क्यूँ दिन घालो आशा पूरदयोजी भजन लिरिक्स

क्यूँ दिन घालो,
आशा पूरदयोजी,
ओ जी म्हारा,
खाटू वाला श्याम,
देर करया,
पत थारी जयासी जी,
ओ जी म्हारा,
खाटू वाला श्याम।।



ताली दे दे हाँसे लोगड़ाजी,

ओजी म्हारा आप सुँवारो काम,
यो मनड़ो इब गम ना खायसी जी,
ओ जी म्हारा,
खाटू वाला श्याम।।



आस घणी थारी म्हानें साँवराजी,

ओजी थे तो आवो करके लाम,
यो टाबर गुण थारा गायसी जी,
ओ जी म्हारा,
खाटू वाला श्याम।।



दूखण लागी आँख्यां डीकताँ जी,

ओजी बाबा अहलवतीरा लाल,
निरख-निरख मन माँ हरषायस्याँजी
ओ जी म्हारा,
खाटू वाला श्याम।।



काला बादल गरजै शीश पै जी,

ओजी थारो दुःख हरता है नाम,
श्यामधणी कद दर्शण पायस्याँजी,
ओ जी म्हारा,
खाटू वाला श्याम।।



रात च्यानणी धोली दूधसी जी,

ओजी थारै शरणै ‘काशीराम’,
साल सवाई खाटू आयस्याँजी,
ओ जी म्हारा,
खाटू वाला श्याम।।



क्यूँ दिन घालो,

आशा पूरदयोजी,
ओ जी म्हारा,
खाटू वाला श्याम,
देर करया,
पत थारी जयासी जी,
ओ जी म्हारा,
खाटू वाला श्याम।।

Singer – Shyam Singh Ji Chouhan


आपको ये भजन कैसा लगा? कृपया प्ले स्टोर से भजन डायरी एप्प इनस्टॉल कीजिये।

अपनी टिप्पणी लिखें
अपना नाम दर्ज करें