गाँव रे रणुजा रे माय,
भईडा गाँव रे रणुजा रे माय,
अजमलजी केवीजे,
मोटा पाटवी रे ए जे हा,
ए कोनी रे पालनीये रे,
पूत भईडा कोनी रे पालनीये रे पूत,
अजमलजी राजा रे,
कोनी डीकरो रे ए जे हा,
ए मुसा बोले नगरी रा लोग,
भईडा मुसा बोले नगरी रा रे लोग,
अरे बांज्या केवीजो,
राजा रावले रे ए जे हा,
ए बोलीया खारोडा रे बोल भईडा,
बोलीया खारोडा रे बोल,
कालजे कटारी थारे लागगी रे ए हा।।
जावु परो द्वारीका रे माय,
मेतो जावु परो द्वारीका रे माय,
बांज्या मुसा रे मारे,
भागना रे जे ए हा,
ए हालीया द्वारीका री वाट,
राजा चालीया द्वारीका री रे वाट,
तेरवे वर्ष मे परचो देवीयो रे जे हा,
ए मिलीया द्वारीका रे नाथ,
खम्मा मिलीया द्वारीका रे नाथ,
अजमलजी ने परचो,
रणछोड़ देवीयो रे ए जे हा,
ए आवुला भादरवी रे दूज,
राजा आवुला भादरवी रे दूज,
कुंकुम रा पगलीया रे आवु,
आंगने रे ए जे हा।।
आवी परी भादवी रे दूज,
भईडा आवी परी भादवी रे दूज,
चांदनी दूज ने,
चन्दो चमकीयो रे ए जे हा,
आवीया द्वारीका रे नाथ,
खम्मा आवीया द्वारीका रे नाथ,
कुंकुम रे पगलीये रे,
आया आंगने रे ए जे हा,
ए रामदेव विरमदेव,
साथ खम्मा रामदेव,
विरमदेव रे साथ,
रामदेव विरमदेव झूले,
पालने रे जे ए हा,
ए बाजीया सोवनीया रे थाल,
खम्मा बाजीया सोवनीया रे थाल,
गुड़ रे मलवीयो नगरी,
बांटीया रे जे ए हा।।
साम्भलो राजा जी रे बात मारी,
साम्भलो राजा जी रे बात,
दुजोडो बालक कटासु,
आवीयो रे जे ए हा,
ए एक तो विरमदेव रे,
लाल मारे एक तो विरमदेव रे लाल,
दुजोडो बालक कटासु,
आवीयो रे ए जे हा,
ए साम्भलो रानीसा रे बात,
मारी साम्भलो रानीसा रे बात,
पानी रे घडोले दूध वेगीयो रे ए जे हा,
ए आवीया द्वारीका रे नाथ,
रानी आवीया द्वारीका रे नाथ,
कुंकुम रा पगलीया तो मांड्या,
आंगने रे जे ए हा।।
आ आवीया नगरी रा रे लोग,
भईडा आवीया नगरी रा रे लोग,
गीत रे गावे रे सारा शहर में रे जे हा,
ए गाजीया है इन्द्र रे देव भईडा,
गाजीया है इन्द्र रे देव,
पानीडो पर झूमे,
रणुजा मायने रे जे ए हा,
ए चालीया नदीयो रा वेग,
भईडा चालीया नदीयो रा रे वेग,
खुशीयां छाई रे,
सारा शहर मे रे ए जे हा,
ए गुन गावे चुन्नीलाल,
भईडा गावे रे चुन्नी रे लाल।।
Singer – Chunnilal Rajpurohit
प्रेषक – मनीष सीरवी
9640557818
