भले राज राठौड़ा,
मालानी धरती रा मोटा देव,
दाता ओ,
मालानी धरती रा मोटा देव,
ए भगतो रे अरादे,
वेगा आव अरे आवजो रे हा,
भले सवाई सिंह जी रणबंका,
कहीजो थे राठौड़,
भोमिया रणबंका कहीजो थे राठौड़,
ए केसर चढेने वेगा,
आव अरे आवजो रे हा।।
भले राज राठौडा,
जन्म धरायो गढ़ जसोल,
दाता ओ जन्म धरायो,
गढ़ जसोल,
ए चांदनी चौदस ने रे,
जामो पाव अरे पावीयो रे हा,
भले राज राठौडा,
प्रताप सिंह जी रा कहीजो लाल,
दाता ओ प्रताप सिंह जी रा,
कहीजो लाल,
ए माता भटियानी रा पोता,
लाड अरे लाडला रे हा।।
भले राज राठौडा,
रणचंडी सोवे तलवार दाता ओ,
रणचंडी हाथे तलवार,
ए माथे केसरियो साफो,
सोव अरे सोवतो रे हा,
भले राज राठौडा,
होग्या केसर घोडे असवार,
दाता ओ होग्या,
केसर घोड़े असवार,
ए चढिया गायो रे वाली,
वार अरे वार में रे हा।।
भले राज राठौडा,
माता नागणेची करीया याद,
दाता ओ करीया,
कुलदेवी मां ने याद,
ए रण री भूमि में रहिजो,
साथ अरे साथ में रे हा,
भले राज राठौडा,
आया थे रणभूमि रे माय,
भोमिया जी आया थे,
रणभूमि रे माय,
ए बैरीयो सु लडीया,
रण रे माय,
अरे रण मायने रे हा।।
भले राज राठौडा गाया,
लाया गढ जसोल दाता ओ,
गायो री वारा मे तजीया प्राण,
ए गाया ने ग्वाला री रक्षा,
राख अरे राखजो रे हा,
भले राज राठौडा,
कलयुग में परचा अपरम्पार,
दाता ओ *मनीष सीरवी*,
महिमा बनाय,
ए *जोगाराम प्रजापत*,
महीमा गाव अरे गावीया रे हा।।
भले राज राठौड़ा,
मालानी धरती रा मोटा देव,
दाता ओ,
मालानी धरती रा मोटा देव,
ए भगतो रे अरादे,
वेगा आव अरे आवजो रे हा,
भले सवाई सिंह जी रणबंका,
कहीजो थे राठौड़,
भोमिया रणबंका कहीजो थे राठौड़,
ए केसर चढेने वेगा,
आव अरे आवजो रे हा।।
गायक – जोगाराम जी प्रजापत।
हाथीतला बाड़मेर।
लेखक – मनीष सीरवी।
रायपुर जिला ब्यावर राजस्थान।
9640557818
