मेलों आयो बाबे रो,
सून टाबरा री माँ,
मैं गाडो लेर आऊ,
तू बनाइले चूरमा,
मैं गाडो लेर आऊ,
तू बनाइले चूरमा।।
टाबरा ने नुआ नुआ,
कपड़ा पराईदे,
जय बाबे री जय बाबे री,
बोलनू सिखाईदे,
अरे रूणीचे रे बाबे ने,
घणी रे खम्मा,
मैं गाडो लेर आऊ,
तू बनाइले चूरमा।।
टाबरा सा दूर राखी,
लाडु पेडा केला,
झूठा मत कर दवे,
बाबे जी रा चेला,
भीड़ घणे री टाबरा रो,
हाथ ल्यीयो झाल,
मैं गाडो लेर आऊ,
तू बनाइले चूरमा।।
ओ गाडे आलो मांगे,
घणां घणां पीसा रे,
पैदल चालो नी मारे,
टाबरा री मा सा,
मत देखो रे ये,
बाबे रो कमाल,
मैं गाडो लेर आऊ,
तू बनाइले चूरमा।।
मेलों आयो बाबे रो,
सून टाबरा री माँ,
मैं गाडो लेर आऊ,
तू बनाइले चूरमा,
मैं गाडो लेर आऊ,
तू बनाइले चूरमा।।
गायक – भगत नैन दास जी।
