ए चारगदिया में रेवे मावड़ी,
मंदिर थारो सोवणो,
शेर री सवारी मैया,
बैठी मारी जोगमाया,
आज भवानी आवो ए,
जगदम्बा मारी आवो ए।।
सुरजमुखी दर्शन होवे,
रूप थारो न्यारो,
माता रा ई दर्शन करताई,
लागे उजीयालो,
आज भवानी आवो ए।।
भीम जी भोपाजी ओ माता,
सेवा करें दिन-रात,
मनड़ा सूं पुजे मावड़ी,
ज्योत जले दिन-रात,
आज भवानी आवो ए।।
36 कोम रो मेलो भरावे,
दर्शन थांरा पावे,
खेड़ाखुट केहवाई यो माता,
नारसिंग रो अवतार,
आज भवानी आवो ए।।
खाली झोली भर दे मावड़ी,
थारो खुल्यो भंडार ए,
संकट सारा दूर करीजो,
नारसिंग अवतार ए,
आज भवानी आवो ए।।
ढोल थाळी वाजे मेया,
गुंजे जय-जयकार ए,
भजना री झणकार,
उड़े मारी जोगमाया,
आज भवानी आवो ए।।
सांचा मन सूं धोक लगावे,
पूरण होवे आस ए,
थारे दर सूं खाली न जावे,
नर अर नारी ए,
आज भवानी आवो ए।।
ए गांव-गांव री माता बेहना,
गीत थांरा गावे,
भगती रा फुलडा लावे,
झरणी जोगमाया,
आज भवानी आवो ए।।
केशव चौबीसा ओ मैया,
महिमा थाणी गावे,
चरणां में निवण मावड़ी,
राखुं मारी जोगमाया,
आज भवानी आवो ए।।
ए चारगदिया में रेवे मावड़ी,
मंदिर थारो सोवणो,
शेर री सवारी मैया,
बैठी मारी जोगमाया,
आज भवानी आवो ए,
जगदम्बा मारी आवो ए।।
Mahadev Satsang Mandal Patoliya
Singer / Lyricist – Keshav Choubisa
9929931512
