भगत माताजी थारे,
मन्दिरीयो बनायो,
देवलियो बनायो,
मन्दिर ऊपर ध्वजा,
लहरावे म्हारी माँ ओ जी।।
ओ थारो तो नाम म्हाने,
मीठो घणो लागे,
प्यारो घणो लागे,
चरने आया ने सोरा,
राखो म्हारी माँ ओ जी।।
ओ म्हारे तो आंगन माता,
गरबे रमवा आवो,
गरबे रमवा आवो,
भगता ने दर्शन माता,
देवो म्हारी माँ ओ जी।।
ओ थारे तो देवल माजी,
ढोल नगाडा बाजे,
ढोल नगाडा बाजे,
झालर री झनकार प्यारी,
लागे म्हारी माँ ओ जी।।
ओ सूरज सामी थारी,
मूरत प्यारी लागेे,
भगता ने दर्शन देवो,
म्हारी माँ ओ जी।।
अरे नागाणे जावु तो थारी,
ओलु घणी आवे,
ओलु घणी आवे,
नागाणे आया मै सुख,
पाया म्हारी माँ ओ जी।।
ओ गावे बजावे माता,
घणा सुख पावे,
घणा सुख पावे,
होवे थारी अरजी वेगा,
आवो म्हारी माँ ओ जी।।
भगत माताजी थारे,
मन्दिरीयो बनायो,
देवलियो बनायो,
मन्दिर ऊपर ध्वजा,
लहरावे म्हारी माँ ओ जी।।
गायक – श्याम पालीवाल जी।
प्रेषक – मनीष सीरवी।
(रायपुर जिला पाली राजस्थान)
9640557818
