हाँ रे अवसर जावे रे,
यो गयोडो अवसर फेर नहीं आवे रे,
अवसर जावे रे।।
बाल पणा गेंद खेलतो,
हंस खेल गंमावे रे,
पच्चीस में थारी आई जवानी,
तरिया संग इतरावे रे,
यो अवसर जावे रे।।
जावे जोबन आई सफेदी,
होटा ने लटकावे रे,
तन तन में थारे रोग सतावें,
चमड़ी टर जावे रे,
यो अवसर जावे रे।।
पुत्र वधु ओर पोता पोती,
थारी हंसी उड़ावे रे,
केवे पागल होगयो डोकरो,
पोलिया खाट ढ़लावे रे,
यो अवसर जावे रे।।
लादू दास जी सतगुरु दाता,
सुता जीव जगावे रे,
श्रवण लाल पे कृपा करी,
सोहम शब्द सुनावे रे,
यो अवसर जावे रे।।
हाँ रे अवसर जावे रे,
यो गयोडो अवसर फेर नहीं आवे रे,
अवसर जावे रे।।
गायक – चम्पा लाल प्रजापति।
मालासेरी डूंगरी 8947915979
( यूट्यूब – चारभुजा लाइव कालियास )
