शूरा सीरवी,
सीरवी मोटियार एतो,
घणा फुटरा लागे रे,
सीरवीयो रो रूतबो भारी,
धाक जमावे रे,
म्हारा सीरवी,
हा हा रे म्हारा सीरवी,
अररर शुरा सीरवी,
आई माताजी री जिन पर होवे,
कृपा भारी रे म्हारा सीरवी।।
पीलोडी प्रभात सीरवी,
आई माता ने ध्यावे ओ,
भारतवर्ष में बिजनेस एतो,
जोर चलावे ओ म्हारा सीरवी,
हा हा रे म्हारा सीरवी,
अररर शुरा सीरवी,
आई माताजी री महर सु,
ए नाम कमावे ओ,
म्हारा सीरवी।।
धोली धोती अंगरकी ने,
माते साफो सोवे ओ,
पगा मोजडी पेर ए,
ठरका सु चाले ओ,
म्हारा सीरवी,
हा हा रे म्हारा सीरवी,
अररर शुरा सीरवी,
मान ने मर्यादा में ए,
सदा ही रेवे ओ,
म्हारा सीरवी।।
फागण रो महीनो आवे,
चंग मजीरा बाजे ओ,
बांध पगा मे घुंघरा,
ठुमका सु नाचे ओ,
म्हारा सीरवी,
हा हा रे म्हारा सीरवी,
अररर शुरा सीरवी,
रंग गुलाल उडावे एतो,
होली खेले ओ,
म्हारा सीरवी।।
महीनो आयो फागन रो,
लुगायां लूरा लेवे ओ,
सज धज ने गेरिया नाचे,
ढुंढ करावे ओ,
म्हारा सीरवी,
हा हा रे म्हारा सीरवी,
अररर शुरा सीरवी,
होली रा सगला भाया ने,
राम राम जी,
म्हारा सीरवी।।
चांदनी बीज रा सीरवी,
एक अखतो पाले ओ,
माताजी रा दर्शन करवा,
बडेर जावे ओ,
म्हारा सीरवी,
हा हा रे म्हारा सीरवी,
अररर शूरा सीरवी,
*मनीष सीरवी* फागण एतो,
जोर बनावे ओ,
म्हारा सीरवी,
ओ *जोगाराम प्रजापत ओर,
अनिता* गावे ओ,
म्हारा सीरवी,
हा हा रे म्हारा सीरवी,
अररर शुरा सीरवी।।
गायक – जोगाराम जी प्रजापत व अनिता जी सिसोदिया।
लेखक – मनीष सीरवी।
रायपुर जिला ब्यावर राजस्थान।
9640557818
