समय बड़ो बलवान जगत में,
पलट जावे पल माई ओ,
नहीं भरोसो एक घड़ी रो,
कद फोरो आ जावे ओ,
समय बसावे समय बिगाड़े,
समय करे घर घर रा ओ।।
शेर जंगल रो राजा कईजे,
नहीं झुके किन आगे ओ,
टेम आवे जद फोरो भाई रे,
गाडर सु डर भागे वो,
समय बडो बलवान जगत मे,
पलट जावे पल माई ओ।।
एक समय एडो आ जावे,
जद राजा बन जावे ओ,
एक समय बन कर के भिखारी,
घर घर मांगन आवे ओ,
समय बडो बलवान जगत मे,
पलट जावे पल माई ओ।।
एक समय एडो आ जावे,
जद बन जावे रानी ओ,
समय खोदावे कुआं बावडी,
समय भरावे पानी ओ,
समय बडो बलवान जगत मे,
पलट जावे पल माई ओ।।
समय नचावे ज्यों सब नाचे,
समय समय री कहानी ओ,
समय देख नर हालों जुग में,
मत बन जो अभिमानी ओ,
मगदास जी गुरु बतावे,
समय करे मनमानी ओ।।
समय बड़ो बलवान जगत में,
पलट जावे पल माई ओ,
नहीं भरोसो एक घड़ी रो,
कद फोरो आ जावे ओ,
समय बसावे समय बिगाड़े,
समय करे घर घर रा ओ।।
Singer – Raju Sen Bambor / Kishan Vaishnav
99506 96484
