थाकी सेवा को सांवरिया माने काम मिल गयो

थाकी सेवा को सांवरिया,
माने काम मिल गयो,
मारी रोजी रोटी को,
इंतजाम हो गयो।।

सांवरिया कृपा होगी थाकि,
मारी सूती किस्मत जागी,
मारी जिंदगी कटरी आचि,
मैं कीदी चाकरी थाकि,
सांवरिया कौनसा जनम को,
यो ईनाम मिल गयो,
मारी रोजी रोटी को,
इंतजाम हो गयो।।

सांवरिया मैं हूं नौकर थाको,
मारो ध्यान राखज्यों पाको,
मारे थारो ही सहारो,
डूबाओ चाहे तारो,
थाका नाम से सांवरिया,
धंधों आच्यो चाल रियो,
मारी रोजी रोटी को,
इंतजाम हो गयो।।

मारा सांवरिया गिरधारी,
महिमा ऑल वर्ल्ड में भारी,
सांवरिया थे हो लीला धारी,
दर्शन आवे दुनिया सारी,
थारी भक्ति में सांवरिया,
कमाल हो गयो,
मारी रोजी रोटी को,
इंतजाम हो गयो।।

सांवरिया मोटी थाकि माया,
वाका पार नहीं पाया,
सांवरिया थाका दर्शन पाया,
जीवन में साता लाया,
थाका भजना से सांवरिया,
मारो नाम हो गयो ,
मारी रोजी रोटी को,
इंतजाम हो गयो।।