तेरे आगे न्यूं रोऊं,
तुं ही तो मेरा स,
बालाजी भगवान मेरे,
मन्नै दिल तं टेरया स।।
कहां से ल्याऊं देशी घी मैं,
तेरी जोत जगावण ने,
कहां से ल्याऊं बणा चुरमा,
बाबा तन्नै खुवावण ने,
ना पैसे अर्जी लावण ने,
टोटे का डेरा स,
बालाजी भगवान मेरे,
मन्नै दिल तं टेरया स।।
बड़ रे भुत लुगाई म,
या मारे जा स किलकारी,
बर्तन भांडे ठा ठा फेंकः,
मार मार सिर फुड़वारी,
तु समझ लिए मेरी लाचारी,
दुख कितणा गहरा स,
बालाजी भगवान मेरे,
मन्नै दिल तं टेरया स।।
मैं भी आशा ले क आया,
तेरे दरबार म,
तेरे बिना कुण अपणा दिखे,
इस संसार म,
तेरा खड़या दास कतार म,
यो दुख ने घेरया स,
बालाजी भगवान मेरे,
मन्नै दिल तं टेरया स।।
कह सोतास तेरे चरणां म,
बहः खुशी का दरिया र,
तेरा भक्त बताया स,
एक कर्मबीर रंगपुरिया र,
तुं सुखी करः सब तरियां र,
मन्नै कहरया भतेरा स,
बालाजी भगवान मेरे,
मन्नै दिल तं टेरया स।।
तेरे आगे न्यूं रोऊं,
तुं ही तो मेरा स,
बालाजी भगवान मेरे,
मन्नै दिल तं टेरया स।।
गायक – नरेंद्र कौशिक जी।
प्रेषक – राकेश कुमार जी।
खरक जाटान(रोहतक)
9992976579