तम्बू की गाड़ी न,
बईल्या छे अनाड़ी,
रनूबाई बठ्या ओम,
पेरी पेलई साड़ी।।
देखि रया रनूबाई,
धणीयर की वाट,
जल्दी चलो मेला म,
म्हारा संगात,
जल्दी गेरो गाडी नइ तो,
रहइ जावा पछाड़ी,
रनूबाई बठ्या ओम,
पेरी पेलई साड़ी।।
धणीयर जी गाडी क,
खोब भगाड़,
बइल्या भी पाय नक,
टप टप वजाड़,
आई गया मेला म,
सबसी अगाडी,
रनूबाई बठ्या ओम,
पेरी पेलई साड़ी।।
मेला म जाइ न,
आंनद खोब लेवा,
काजल टिकी माला मोती,
आरु चम्पक लेवा,
धणीयर जी न चम्पक म,
घुघरी गाठाड़ी,
रनूबाई बठ्या ओम,
पेरी पेलई साड़ी।।
तम्बू की गाड़ी न,
बईल्या छे अनाड़ी,
रनूबाई बठ्या ओम,
पेरी पेलई साड़ी।।
Singer – Badal Joshi & Mehndi Birla
9669907494
