सांवरिया दूखडा हर ले,
दुखियारा री विनती सुण ले,
म्हांनै सूदामा ज्यूं,
गलै थै लगाईलै रै,
मैं थारै ही भरौसै,
गाडी चलाईलै रै।।
थारै रै बिना तौ कूंण,
बात सूंणै रै सांवरिया,
धरदयौ म्हारा मांथा मांथै हाथ रै,
सांवरिया सैठ आजा,
मण्डफिया सूं बैगौ आजा,
हौ म्हांपै आयोडा दूखडा नै,
तू ही दैखलै रै,
थारा दास के आडी,
थोडौ झांकलै रै।।
थारै रै बिना तो कूंण,
भात भरे रै सांवरिया,
भरदै म्हारै नरसी जियां भात रै,
सांवरिया संकट हरलै,
सैवक पे किरपा रखलै,
हौ म्हारी झौली में,
थौडी सी खूशियां बांट दै रै,
म्हारी बांता नै बंण्यौडी,
तू ही रांखदै रै।।
थारै रै बिना तो काईं,
काम चलै रै सांवरिया,
कौनी म्हारा घर म कौई कार रै,
सांवरिया थार दिलादै,
म्हारा भी ख्वाब सजादै,
हौ थारौ हौग्यौ रै दीवानौ,
अर्जी मान लै रै,
हौ मण्डफिया आयौ,
तू मंनडा री बांता जांणलै रै।।
थारी रै लीला कौ कौई,
पार नही रै सांवरिया,
लिखियौ थारी महिमा ‘मस्तराम’ रै,
रतन कौ हैलौ सूंणलै,
थौडो सो ध्यान धरलै,
हौ थारा मण्डफिया में,
म्हांनै भी नौकर रांखलै रै,
म्हारा हाथां सूं थोडो सो,
माखन चाख लै रै।।
सांवरिया दूखडा हर ले,
दुखियारा री विनती सुण ले,
म्हांनै सूदामा ज्यूं,
गलै थै लगाईलै रै,
मैं थारै ही भरौसै,
गाडी चलाईलै रै।।
Singer – Ratan Rao Sihana
