सातों बहना झूमती आओ जी

झूमती आओ जी,
सातों बहना झूमती आओ जी,
आई नवराता री रात,
म्हारे घर झूमती आओं जी।।

दिवला जलाऊ री,
भवानी थारी आरती ऊतारु री,
ओ मईया थारे लाल चुनरिया ओढावा,
थाने प्यारी लागे जी।।

चढ़ती आऊं री,
भवानी पैड़या चढ़ती आऊं री,
ओ थारी ऊंची नीची पैडया,
भवानी चढ़ती आऊं री।।

नाम मिटा दे री,
भांझडी को नाम तो मिटा दे री,
ओ मईया मारी गोदी में दे दे छोटो लाल,
भांझडी को नाम तो मिटा दे री।।

मारी भी बदल दे री,
क़िस्मत मारी भी बदल दे री,
ओ मईया थने घणा की किस्मत बदली,
मईया मारी भी बदल दे री।।

प्यारी लागे जी,
मईया जी थे तो प्यारी लागे जी,
ओ मैया थारे मंदिर की शान निराली,
मूरत थारी प्यारी लागे जी,
ओ मैया थारे मंदिर की शोभा न्यारी,
सूरत थारी प्यारी लागे जी।।

दर्शन दे दयो जी,
मईया जी तेरे थारे द्वार पर बुला ले री,
ओ मईया मैं तो हार गया दुनियां से,
थारे द्वार पे बुला ले जी।।

पैदल आया री,
बिजासन थारी यात्रा ले आया री,
ओ थारा भगता की कर रखवाली,
मईया थारे शरणा बुला ले री।।

हेमन्त गावे री,
बिजासन मईया सैनी गावे री,
ओ मईया थाने हाथ जोड़ मनोहार,
भजन थारो बालक गावे री।।