सैया म्हारी गाओ ऐ बजाओ गढ़ की गुजरिया

सैया म्हारी गाओ ऐ बजाओ,
गढ़ की गुजरिया,
म्हारा नारायण का,
गाओ मंगलाचार,
म्हारे देव पधारिया पावणा।।

थाने धन्य धन्य म्हारी,
मालासैरी डुंगरिया,
वठे जनमया जनमया,
त्रिलोकी का नाथ,
नारायण आया पावणा।।

सैया मारी कंकर फुटिया,
कवल निकल्या,
ये तो कवला में,
लियो अवतार,
नारायण आया पावणा।।

देवजी जन्मते बाज्या,
चंग ढोलड़ा,
या तो महला में,
बाजी सोवन ताल,
नारायण आया पावणा।।

हीरा म्हारी पीली,
गोबर की देदे गुंरली,
हीरा म्हारी मोतियों का,
चोक पुराय,
नारायण आया पावणा।।

हीरा म्हारी जाओ,
जोशी ने बेगो बुलावज्यो,
म्हारा नारायण को,
निकलवा लेवा नाम,
नारायण आया पावणा।।

जोशी जूना पुराना,
काड़ो टिपणा,
म्हारा उदल को,
कड़वा लेवो नाम,
नारायण आया पावणा।।

नारायण पीरू भोपा,
की सुणज्यो विनती,
देव जी गावे गावे,
थांका गुण गान,
भक्ता ने लजिया राकज्यों,
नारायण आया पावणा।।

देव जी चम्पा लाल,
शरण मे आवयो,
देव जी नित उठ,
देवे चरणा माये धोक,
वांकी नैया पार लगावज्यो,
नारायण आया पावणा।।

सैया म्हारी गाओ ऐ बजाओ,
गढ़ की गुजरिया,
म्हारा नारायण का,
गाओ मंगलाचार,
म्हारे देव पधारिया पावणा।।

Singer – Pyare Lal Gurjar
Upload By – Bhudhi Prakash Sharma
9660366008