नहीं जाणु सांवरिया री लीला,
नहीं जाणु प्रभु री लीला,
सोभा न्यारी रे,
महिमा भारी रे,
सांवरो गिरधारी संत घर,
रह गयो हाली रे।।
धना भगत रा काज सवारयां,
दोड़िया आईग्या रे,
बेगा आईग्या रे,
खेता माई तुम्बा रे बोया,
हिरा नीपज्या रे।।
करमा बाई रो काज सवारियो,
दोड़िया आईग्या रे,
बैगा आईग्या रे,
घागरिया रो परदो लीनो,
खींचड़ खायो रे।।
सबरी बाई री कुटिया पधारिया,
दोड़िया आईग्या रे,
बेगा आईग्या रे,
ऊंच-नीच को भेद न जाण्यो,
भोग लगायो रे।।
मीरा बाई को काज सवारीयो,
दोड़िया आईग्या रे,
बेगा आईग्या रे,
राणो भेज्यो जहर को प्यालों,
अमरीत करग्या रे।।
नानी बाई रो काज सवारीयो,
दोड़िया आईग्या रे,
बेगा आईग्या रे,
छप्पन करोड़ को नानी बाई के,
माइरो लाया रे।।
नहीं जाणु सांवरिया री लीला,
नहीं जाणु प्रभु री लीला,
सोभा न्यारी रे,
महिमा भारी रे,
सांवरो गिरधारी संत घर,
रह गयो हाली रे।।
Singer – Deepika Mer
Upload By – Ramnarayan Ji
9351359262
