म्हारी नाडोल गढ़ री,
मावडी रे हा,
आशापुरा मम मां,
म्हारी जगदम्बा,
जग जोगनी रे हा,
म्हारी आशापुरा मम मात,
दुनिया थोरे दर्शन आवे,
चौहान देवड़ा थोने मनावे,
भगतो री सिरजनहार,
मावडी दर्शन दीजो हा,
म्हारी जगदम्बा मम मात,
मावडी किरपा कीजो ओ।।
अरे नाडोल नगरी मायने हो,
म्हारी आशापुरा रो धाम,
अरे पाली जिला रे मायने हो,
म्हारी आशापुरा रो धाम,
धाम लागे अति सोवनो,
भगतो रे मां मन मोवनो,
लागे स्वर्ग समान,
आशापुरा किरपा कीजो ओ,
ओ थोने निव निव करु प्रणाम,
मावडी दर्शन दीजो ओ।।
मां राव लाखन जी ने दर्शन दीना हो,
मैया नाडोल नगरी रे माय,
राव लाखन जी री आस पुराई हो,
मैया आशापुरा कहलाय,
कच्छ भुज सु मां घोडा मंगाया,
नाडोल गढ़ रो राज दिराया,
गूंजे थारो नाम,
आशापुरा किरपा कीजो ओ,
ओ थोने निव निव करु प्रणाम,
मावडी दर्शन दीजो ओ।।
मैया कुंकुम वरणो रूप आपरो हा,
थोरी मूरत मनडे भाय,
मां सिंह सवारी आपरी हो,
थोरी लीला अपरम्पार,
त्रिशूल लागे अति सोवनो,
रूप लागे अति मोवनो,
लाल ध्वजा लहराय,
आशापुरा किरपा कीजो ओ,
ओ थोने निव निव करु प्रणाम,
मावडी दर्शन दीजो ओ।।
मैया झिलमिल ज्योता जागती हो,
मां नाडोल नगरी माय,
मैया सांझ सवेरे होवे आरती हो,
बाजे नोपत नगाड़ा जोर,
सोनाला खेलताजी ने संग माई लावो,
दीन दुखियां रा कारज सारो,
रहीजो हाथ रा हुजुर,
आशापुरा किरपा कीजो ओ,
ओ थोने निव निव करु प्रणाम,
मावडी दर्शन दीजो ओ।।
अरे चौहान देवडो री कुल धनीयानी हो,
म्हारी आशापुरा मम मात,
ए जैन भण्डारी मां थाने मनावे हो,
करे घर घर पुजा पाठ,
मनीष सीरवी कलम चलावे,
भवानी कोलू वालो भावसु गावे,
करदो भवसु पार,
आशापुरा किरपा कीजो ओ,
ओ थोने निव निव करु प्रणाम,
मावडी दर्शन दीजो ओ।।
म्हारी नाडोल गढ़ री,
मावडी रे हा,
आशापुरा मम मां,
म्हारी जगदम्बा,
जग जोगनी रे हा,
म्हारी आशापुरा मम मात,
दुनिया थोरे दर्शन आवे,
चौहान देवड़ा थोने मनावे,
भगतो री सिरजनहार,
मावडी दर्शन दीजो हा,
म्हारी जगदम्बा मम मात,
मावडी किरपा कीजो ओ।।
गायक – भवानी सिंह जी राजपुरोहित (कोलू)
लेखक – मनीष सीरवी रायपुर जिला ब्यावर राजस्थान।
