केसरिया कंवर जी री आरती मैं गावा बारम्बार जी

केसरिया कंवर जी री आरती,
मैं गावा बारम्बार जी,
आकेली धनीया री आरती,
मैं गावु बारम्बार जी,
आकेली कंवर सा री आरती,
मै गावु सुबह और शाम जी,
केसरिया कँवर जी री आरती।।

ओ आकेली में धाम सोवनो,
रायपुर तहसील माय जी,
ओ आकेली मे धाम सोवनो,
ध्वजा फरुके असमान जी,
ओ सूरज सामी धाम आपरो,
मूरत मनडे भाय जी,
धाम आपरो सोवनो जी,
चांदी रा छत्तर अपार जी,
केसरिया कँवर जी री आरती,
मैं गावा बारम्बार जी।।

ओ बांजीया रा पालनीया बंधावो,
दुखड़ा मेटो आय जी,
भूत डाकनीया रा बंध छुडावो,
लेवो कंवर सा रो नाम जी,
जहरी जीवा रो जहर उतारो,
तांती बांधा थारे नाम री,
ओ साचे मन सु ध्यान लगावा,
करदो बेडा पार जी,
केसरिया कँवर जी री आरती,
मैं गावा बारम्बार जी।।

ओ ढोल नगाड़ा घेरा बाजे,
झालर रो झनकार जी,
सांझ सवेरे होवे आरती,
नारेला री ज्योत सवाय जी,
ओ मेवा मिठाई चाढा चूरमो,
सेवक आया थोरे द्वार जी,
ओ भगत जनोरा कारज सारो,
लेवा कंवर सा रो नाम जी,
केसरिया कँवर जी री आरती,
मैं गावा बारम्बार जी।।

ओ आरतीया री वेला आप पधारो,
देवो दर्शन आय जी,
जो कोई लेवे नाम आपरो,
मनवांछित फल पाय जी,
अशोक नाथ जी करे आरती,
नित उठ जोडे हाथ जी,
ओ सेवक आया शरण आपरी,
काटो दुखड़ा आप जी,
केसरिया कँवर जी री आरती,
मैं गावा बारम्बार जी।।

रायपुर सु दाता *मनीष सीरवी*,
जुग जुग चरना माय जी,
भगत खडा दाता शरण आपरी,
राखो सिर पर हाथ जी,
ओ *हर्ष माली* थोरी गावे आरती,
धरजो सिर पर हाथ जी,
ओ भगत मंडल री अरज विनती,
हिलमिल गावा थोरी आरती,
केसरिया कँवर जी री आरती,
मैं गावा बारम्बार जी।।