छोड़ी चली गइल कान्हा,
कवने करनवा,
मनवा लागे नाही,
काहे होई गइल सपनवा,
मनवा लागे नाही,
काहे होई गइल सपनवा।।
तोहरा बिना गोकूल कान्हा,
भइल बाटे सुन हो,
हहरेला जिया सुनती,
मुरली के धुन हो,
एक बार मिले आजा,
कवनो बहनवा,
मनवा लागे नाही,
काहे होई गइल सपनवा।।
केकरा से कही हम,
दिलवा के पिर हो,
गंगा जमूनवा जइसे,
गिरेला निर हो,
बिरह में तोहरे कान्हा,
निकली परनवा,
मनवा लागे नाही,
काहे होई गइल सपनवा।।
रात में नींद ना लागे,
दिन में ना चैन हो,
हरपल खोजे रहिया,
तोहरे ई नैन हो,
काहे ना मनलो कान्हा,
हमरो कहनवा,
मनवा लागे नाही,
काहे होई गइल सपनवा।।
छोड़ी चली गइल कान्हा,
कवने करनवा,
मनवा लागे नाही,
काहे होई गइल सपनवा,
मनवा लागे नाही,
काहे होई गइल सपनवा।।
👉 ये भी देखें – तोरा बिना निक नाही लागे।
🎤 गायक / Singer – सुनील संगम।
✍️ लेखक / Lyrics – सुनील संगम
☎️ संपर्क / Contact – 8010091184
