बीकानेर रिडी बिग्गा में वीर बिग्गाजी प्रकट्या रे

बीकानेर रिडी बिग्गा में,
वीर बिग्गाजी प्रकट्या रे,
जब तक सूरज चांद रहेगा,
वीर बिग्गाजी का नाम रे।।

जाखड़ गोत्र में जन्म धरायो,
संवत् 1358 में,
माता थारी सुल्तानी ने,
पिता महेंद्र जी राव ओ,
बिकानेर रिडी बिग्गा में,
वीर बिग्गाजी प्रकट्या रे।।

वीर बिग्गाजी कहिए लाडला,
बहिन हरिया बाई जी,
जाखङा रा सूरज माता,
सुल्तान लाल जी,
बिकानेर रिडी बिग्गा में,
वीर बिग्गाजी प्रकट्या रे।।

गोरक्षा में प्राण दिया,
गायो री वारा चङिया जी,
वैशाख सुदी तीज ने,
भाई 1336 में,
बिकानेर रिडी बिग्गा में,
वीर बिग्गाजी प्रकट्या रे।।

सांवलजी पहलवान हेमजी बांगड़वा,
गुमना राम तावरणिया रे,
राधो बाधो दो बेगारी,
और साथीङा साथ जी,
बिकानेर रिडी बिग्गा में,
वीर बिग्गाजी प्रकट्या रे।।

शीश देवली रिडी में कहींजे,
धङ देवली बिगा में जी,
मंदिर थारो भारी बनियों,
परचा अपरम्पार जी,
बिकानेर रिडी बिग्गा में,
वीर बिग्गाजी प्रकट्या रे।।

आसोज सुदी तेरस में देवा,
मेलो भरीजे भारीजी,
दुर देशा का आवे जातरी,
आवे नर और नारी जी,
बिकानेर रिडी बिग्गा में,
वीर बिग्गाजी प्रकट्या रे।।

पीथल माता करे सहायता,
भक्ता रे ले आवे जी,
वीर बिगाजी घोड़ी चढ़ने,
हेले हाजिर आवे जी,
बिकानेर रिडी बिग्गा में,
वीर बिग्गाजी प्रकट्या रे।।

रमेश सारण बाड़मेर वासी,
वंदन थाने करे जी,
मयंक युवांश तो चरणो रा चाकर,
दर्शन देवो आय जी,
बिकानेर रिडी बिग्गा में,
वीर बिग्गाजी प्रकट्या रे।।