ब्याव-बीनणी बिलखूं रे म्हेतो,
कद परणासि बाबलियो,
ब्याव-बीनणी बिलखूं रे म्हेतो,
कद परणासि बाबलियो,
सगळा साथी पर्णिया,
मैं तो रयो कँवारो टाबरियो,
सगळा साथी पर्णिया,
मैं तो रयो कंवारो टाबरियो।।
जोशी थारा पगल्या पूजूं,
दिन देखो पर्णीजन रो,
बाबलिया ने तू समझा दे,
घर ढूढे समधणजी रो,
बिंद बणूला घोड़ी चढूलां,
बिंद बणूला घोड़ी चढूलां,
कद निरखुलां सासरियो,
सगळा साथी पर्णिया,
मैं तो रयो कंवारो टाबरियो।।
साथिड़ा रे छोरा-छोरी,
घर भरयोड़ो जद देखूँ,
सारी रात धमीडा लेउँ,
सुनो सुनो घर देखूँ,
म्हारे मन में रेगी म्हेतो,
म्हारे मन में रेगी म्हेतो,
कद हुलरासुं हालरियो,
सगळा साथी पर्णिया,
मैं तो रयो कंवारो टाबरियो।।
छमछम करती लारे चाले,
मैं निरखुलां मुड़-मुड़ ने,
फुलड़ा सेज बिछाउँला,
मनवार करूंला लुळलुळ ने,
कोड करूंला मोज करूंला,
कोड करूंला मोज करूंला,
जद सुणसुला झांझरियो,
सगळा साथी पर्णिया,
मैं तो रयो कंवारो टाबरियो।।
साँझ पड़्या दिन आथेला,
जद मैं बेगो घर जाऊंला,
लाज-लजीली झमकुड़ी रा,
सगळा कोड पुराउँला,
नत्थ-बोरियो काजल टीकी,
नत्थ-बोरियो काजल टीकी,
और ल्याउलां फागणियो,
सगळा साथी पर्णिया,
मैं तो रयो कंवारो टाबरियो।।
घण टाबरिया दुखड़ो सुणियो,
दो टाबरिया मोकळा,
अणुता अरडावे टींगर,
ढीमबाई रा ढोकला,
हेलो गासी गजबण म्हारी,
हेलो गासी गजबण म्हारी,
हिंडो देसी हालरियो,
सगळा साथी पर्णिया,
मैं तो रयो कंवारो टाबरियो।।
ब्याव-बीनणी बिलखूं रे म्हेतो,
कद परणासि बाबलियो,
ब्याव-बीनणी बिलखूं रे म्हेतो,
कद परणासि बाबलियो,
सगळा साथी पर्णिया,
मैं तो रयो कँवारो टाबरियो,
सगळा साथी पर्णिया,
मैं तो रयो कंवारो टाबरियो।।
Singer / Lyrics – Kaluram Prajapati Ji
Uploaded By – Mayank Kamra / BCsoni
