बैल रा तो ग्यारह नियम,
पालो सीरवी बंधु ओ,
ओ बैल रा तो ग्यारह नियम,
पालो सीरवी बंधु ओ,
काचा सूत रो डोरो बांधजो,
बैल आईजी री सगला बांधजो,
आई माताजी नियम बतावे,
सुनजो सीरवी बन्धु ओ,
आई माताजी ज्ञान बतावे,
सुनजो सीरवी बन्धु ओ,
सत रो तो मार्ग मती छोड़ जो,
ओ कोई नेम धर्म सब पालजो।।
अरे झूठ त्यागो पहलो नियम,
माताजी बतलावे ओ,
झूठ त्यागो पहलो नियम,
माताजी बतलावे ओ,
झूठ पाप रो मूल केवजो,
झूठ पाप रो मूल केवजो,
अरे दुजो नियम,
अरे दुजो नियम केवे मैया,
मांस मदीरा त्यागो जी,
दुजो नियम केवे मैया,
मांस मदीरा त्यागो जी,
नशा सु सगला अलगा रेवजो,
सीरवीयो नशा सु सगला अलगा रेवजो।।
तीजो नियम केवे माताजी,
ब्याज पर धन नहीं लेनो ओ,
तीजो नियम केवे माताजी,
ब्याज पर धन नहीं लेनो,
भर भर ब्याज लारे रेवोला,
सीरवीयो भर भर ब्याज लारे रेवोला,
अरे चौथो नियम,
चौथो नियम जुआ मत खेलो,
घर गृहस्थी रूल जावेला,
चौथो नियम जुआ मत खेलो,
घर ग्रहस्थी रूल जावेला,
सुख रो तो जीवन सगला जीवनो,
ओ कोई सुख रो तो,
जीवन सगला जीवनो।।
अरे पंचम मात पिता री सेवा,
करजो सीरवी बंधु ओ,
पंचम मात पिता री सेवा,
करजो सीरवी बंधु ओ,
सेवा करेने आशीष पावजो,
ओ कोई सेवा करेने आशीष पावजो,
अरे छठो नियम,
अरे छठो अभ्यागत हो देवा,
सुणजो सीरवी बंधु ओ,
छठों अभ्यागत हो देवा,
सुणजो सीरवी बंधु ओ,
शरणागतों ने आदर देवजो,
ओ कोई आया मेहमानो ने,
आदर देवजो।।
गुरु की आज्ञा पालो नियम,
सातवो बतावे ओ,
गुरु की आज्ञा पालो नियम,
सातवो बतावे ओ,
सदा गुरु वचनो माई रेवनो,
ओ कोई सदा सतगुरु जी रे,
वचनों में रेवनो,
अरे आठवो नियम,
आठवो नियम हीत मार्ग पर,
हालो सीरवी बंधु ओ,
आठवो नियम,
हित मार्ग पर हालो सीरवी बंधु ओ,
करजो भलाई मानस जुन मे,
ओ कोई करजो भलाई,
मिनखा जुन मे।।
अरे नम्मो नियम परनारी ने,
माता थेतो जाणो ओ,
नम्मो नियम परनारी ने,
माता थेतो जाणो ओ,
मान मर्यादा में सगला रेवजो,
ओ भाया मान मर्यादा में सगला रेवजो,
अरे बेटी ने थे,
अरे बेटी ने थे धर्म परणावो,
दसवो नियम बतावे ओ,
बेटी ने थे धर्म परणावो,
दसवो नियम बतावे ओ,
बेटी रो धन मती खावजो,
ओ भाया बेटी रा,
रुपीया मती खावजो।।
स्वार्थ काज अकर्म नी करनो,
ग्यारहवो नियम बतावे ओ,
स्वार्थ काज अकर्म नी करनो,
नियम ग्यारहवो बतावे जी,
कष्ट दुजा ने नहीं देवनो,
ओ कोई सुख खातिर दुजा ने,
दुख नही देवनो,
अरे ग्यारह गांठ रा,
अरे ग्यारह गांठ रा,
नियम एतो हिरदा माई राखो जी,
हाथ पुरुष और गले लुगाई,
बैल आईजी री बांधो जी,
जन्म सुधारन नियम पालजो,
ओ कोई जन्म सुधारन,
नियम पालजो।।
अरे *रायपुर सु मनीष सीरवी*,
मां आईजी ने ध्यावे ओ,
*शीतल वैष्णव* बैल रा,
ग्यारह नियम गाय सुनावे ओ,
सीरवीयो पर छत्तर छाया राखजो,
ओ मैया भगता ऊपर,
छत्तर छाया राखजो,
अरे बैल रा तो ग्यारह,
अरे बैल रा तो ग्यारह नियम,
पालो सीरवी बंधु ओ,
काचा सूत रो डोरो बांधजो,
ओ कोई बैल आईजी री,
सगला बांधजो,
ओ कोई सत रो तो मार्ग,
मती छोडजो,
नेम धर्म सब पालजो।।
गायिका – शीतल जी वैष्णव।
लेखक – मनीष सीरवी।
(रायपुर जिला ब्यावर राजस्थान)
