ओ दाता पाछो थे लेवो अवतार,
थोरा सेवग जोवे बाटडली,
ओ गुरुजी पाछो थे लेवो अवतार,
थोरा सेवग जोवे बाटडली,
बाटडली म्हारा दाता बाटडली।।
कुण गलत और कोण सही है,
मैं इण सु अणजाण,
कुण गलत और कोण सही दाता,
मैं इण सु अणजाण,
पर देख इस्तती आज री रै,
नैणा नीर बहाय,
थोरा सेवग जोवे बाटडली,
ओ गुरुजी पाछो थे लेवो अवतार,
थोरा सेवग जोवे बाटडली।।
किण ने केऊ कुण सुणे ऐ,
था बिन दिल की बात,
किण ने केऊ कुण सुणे दाता,
था बिन दिल री बात,
आज झुरावे आपने रे ऐ,
बिलखो ओ ब्रह्म समाज,
थोरा सेवग जोवे बाटडली,
ओ गुरुजी पाछो थे लेवो अवतार,
थोरा सेवग जोवे बाटडली।।
समाज हित ब्रह्म धाम बणायो,
कियो जीव कल्याण,
समाज हित ब्रह्म धाम बणायो,
कियो जीव कल्याण,
कण कण जोड़ जैगठरी बणाई,
बारो ओ बिखरियो है जाय,
थोरा सेवग जोवे बाटडली,
ओ गुरुजी पाछो थे लेवो अवतार,
थोरा सेवग जोवे बाटडली।।
एक जाजम पर जोडया सबने,
आज वे बिछडिया जाय,
ऐक जाजम पर जोड्या दाता,
आज वे बिछडिया जाय,
कर जोडत कोलु वालो रोवे ऐ,
देख आज रा हालात,
थोरा सेवग जोवे बाटडली,
ओ गुरुजी पाछो थे लेवो अवतार,
थोरा सेवग जोवे बाटडली।।
ओ दाता पाछो थे लेवो अवतार,
थोरा सेवग जोवे बाटडली,
ओ गुरुजी पाछो थे लेवो अवतार,
थोरा सेवग जोवे बाटडली,
बाटडली म्हारा दाता बाटडली।।
गायक – भवानी सिंह कोलू।
9468586253
प्रेषक – कुलदीप सिंह राजपुरोहित।
