मैं तो बाँध घुँघरा नाचू,
आज मने बाबो बुलायो है,
बाबो बुलायो है म्हाने,
सन्देसो आयो है।।
धोली धोली ध्वजा बनाऊ,
जानो बाबे रे द्वार जी,
आसे पासे घुंघरिया बँधाऊ,
बीच में म्हारी सरकार जी,
जय बाबा री बोलता जावा हो हो हो,
जय बाबा री बोलता जावा,
कटयो कष्टा रो सायो है,
म्हे तो बांध घुँघरा नाचू,
आज मने बाबो बुलायो है।।
आस मुरारी बाबो महारी,
पूरी कर दी आज जी,
रामधनीं सरकार महासू,
दूही मिटादी आज जी,
के बताऊ भक्तो म्हारो हो हो हो,
के बताऊ भक्तो म्हारो,
मन हर्षायो है,
म्हे तो बांध घुँघरा नाचू,
आज मने बाबो बुलायो है।।
रामधनी सुपने में आया,
इंद्र ने आन जगायो जी,
गंगानगर सू चाल के जानो,
धाम रुणिचे बतायो जी,
होया नेम निहाल रे दीनु हो हो हो,
होया नेम निहाल रे दीनु,
बाबो दर्स दिखायो है,
म्हे तो बांध घुँघरा नाचू,
आज मने बाबो बुलायो है।।
मैं तो बाँध घुँघरा नाचू,
आज मने बाबो बुलायो है,
बाबो बुलायो है म्हाने,
सन्देसो आयो है।।
Singer – Deenu Diwana
Upload – Mayank Kamra
7340299028
