सांवरिया थारा भजना में,
आर्केस्ट्रा नाचे रे,
सत्संग तो मतसंग बणगी जी,
बाया गाबा खाचे रे,
बाया गाबा खाचे रे।।
भजना को धंधो वणग्यो जी,
उचा दाम कमावे जी,
भक्ति भाव तो दुर घणो जी,
लाज सरम नहीं आवे जी,
साची बाता कडवी लागे,
उल्टा सुल्टा बाचे रे,
सतसंग तो मंतसंग बणगी जी,
बाया गाबा खाचे रे,
बाया गाबा खाचे रे।।
उल्टा सुल्टा भजन बणावे,
जानुड्याने गावे रे,
काणकायदो भुल्या भाया,
खुद की लाज गमावे रे,
मर्यादा की वाट लगावे,
छोर्या आगे नाचे रे,
सतसंग तो मंतसंग बणगी जी,
बाया गाबा खाचे रे,
बाया गाबा खाचे रे।।
थारी महीमा तु ही जाणे,
सांवरिया गिरधारी रे,
अब तो आजा सेठ सांवरा,
लाज जावे अब थारी रे,
‘देव शर्मा’ लीख लीख गावे,
केवे बाता साची रे,
सतसंग तो मंतसंग बणगी जी,
बाया गाबा खाचे रे,
बाया गाबा खाचे रे।।
सांवरिया थारा भजना में,
आर्केस्ट्रा नाचे रे,
सत्संग तो मतसंग बणगी जी,
बाया गाबा खाचे रे,
बाया गाबा खाचे रे।।
लेखक & गायक – देव शर्मा आमा।
8290376657
