सांवरा बेगो बेगो आव थारे बिना आवड़े कोनी

सांवरा बेगो बेगो आव,
थारे बिना आवड़े कोनी,
क़ानूड़ो बेगो बेगो आव,
थार बिना आवड़े कोनी।।

मत कर बेटा रो गुमेज,
बेटा आपणा कोनी,
बेटा परदेसा जावेला,
मुखड़े बोलेला कोनी,
गिरधर बेगो बेगो आव,
थारे बिना आवड़े कोनी।।

मत कर बहुआ रो घूमेज,
बहुआं आपणी कोनी,
चार चार भैसड़ल्या दुआवे,
दूध घालेला कोनी,
कन्हैया बेगो बेगो आव,
थार बिना आवड़े कोनी।।

मत कर बेटी रो गुमान,
बेटी आपणी कोनी,
बेटी सासरिए जावेला,
पाछी आवेला कोनी,
गिरधर बेगो बेगो आव,
थारे बिना आवड़े कोनी।।

मत कर पोता रो गुमेज,
पोता आपणा कोनी,
मटकी भरियो री पड़ी है,
पानी पावेला कोनी,
कन्हैया बेगो बेगो आव,
थार बिना आवड़े कोनी।।

मत कर माया रो गुमान,
माया आपणी कोनी,
माया तिजोरिया रह जावे,
साथे चालेला कोनी,
कन्हैया बेगो बेगो आव,
थार बिना आवड़े कोनी।।

गाड़ी बरसाने सुं आई,
आपां नावड़ां कोनी,
कानुड़ा रा दर्शन थे तो करलो,
अवसर आवेलो कोई,
गिरधर बेगो बेगो आव,
थार बिना आवडे कोनी।।

सांवरा बेगो बेगो आव,
थारे बिना आवड़े कोनी,
क़ानूड़ो बेगो बेगो आव,
थार बिना आवड़े कोनी।।

Singer – Shobha Mali
Upload – Guddi Bishnoi