थे ही गाला रा राजन भोमिया हो,
थे ही गढा रा उमराविया जी,
हे हे थाने तो मनाऊ मैया शारदा,
हे हे गणपत लागू थोरे पाव मैं जियो।।
जड़ियोडा चोक देवी ढालदो हे हे,
शारद मोटी माय हो जियो,
हे हसावे रा रुकड़ा सुहावणा,
हे मोरूड़ा करे रे मलारिया जियो,
अरे ठंडो पानी कहिजे रो रे,
मोरूड़ा ने चून चुगावना जियो।।
हे मंडोर रे बाड़ी आम्बा आम्बली हे हे,
गेहरी रे आम्बलियो वाली छायली जियो,
वठे झाड़ू वालो झाड़ू वोतो दे गयो हे,
हेपकाला हु होवे छिड़कावणा जियो।।
जाजम ढ़लाई चौड़े चोवटे हे हे,
ऊपर गददरा लगाविया जियो,
हे जाजम ढलावे गाले रा भोमिया हे हे,
ऊपर तकिया लगाविया जियो।।
ऊपर बिराजे गाले रा भोमिया हे हे,
सगळा में सिरदार हे जियो,
अमल गलावे प्याला प्रेम रा हे हे,
सुरमो में होवे मनवारिया जियो।।
हे हे डग डग पीवे गाले रा भोमिया,
हे मुख पर मूँछ संवारिया जियो,
हे भोमिया जी रे बाँधन मेमद मोलियों,
हे हे सुरवो रे पिछरंग पाग हे जियो।।
हे हे खारक ने मिठाई चढ़े खोपरा हे हे,
मिश्री री होवे मनवारिया जियो,
कमर में कटारों सोवे भाकड़ो हे हे,
सोरठड़ी तलवारियाँ जियो।।
हे हे भालो सोवे बिजलसार रो हे हे,
असल खांडे छाई ढाल हो जियो,
हे हे धोलो धोलो घोड़ो धणी रे हांसलो,
हे हे पीतलिया पिलानियां जियो।।
हीरो हीरो जड़ियों धणी रे ताजणो हे हे,
लाला लाला झड़ी हैं लगाम हैं जियो,
हे हे कांकड़ कांकड़ घोड़ो बाबे फेरियों,
हे हे बेरी दुष्मी दूर हटाविया जियो।।
हे हे शिंभू जी सुथार री विनती,
हे हे शरणे आया ने सोरा राखजो जियो।।
थे ही गाला रा राजन भोमिया हो,
थे ही गढा रा उमराविया जी,
हे हे थाने तो मनाऊ मैया शारदा,
हे हे गणपत लागू थोरे पाव मैं जियो।।
गायक – कुम्भाराम जी भलासरिया।
प्रेषक – रामेश्वर लाल पँवार।
आकाशवाणी सिंगर।
9785126052
