सनवाडा री आशापुरा धनीयानी माँ,
अरे सनवाड़ा री आशापुरा धनीयानी माँ,
भगतो रे बुलाया वेगा आवो,
वारी वारी ओ माँ,
भगतो रे बुलाया वेगा आवो,
वारी वारी ओ माँ,
भगतो रे हलकारे वेगा आवो।।
अरे सिंह असवारी आपरी आशापुरा माँ,
हे सिंह असवारी आपरी आशापुरा माँ,
सज सोलह सिनगारन वेगा आवो,
वारी वारी ओ माँ,
सज सोलह सिनगारन वेगा आवो,
वारी वारी ओ माँ,
सज सोलह सिनगारन वेगा आवो।।
अरे गेर घुमालो घागरो आशापुरा माँ,
गेर घुमालो घागरो आशापुरा माँ,
चुनडी ओडेने वेगा आवो,
वारी वारी ओ माँ,
चुनडी ओडेने वेगा आवो,
वारी वारी ओ माँ,
चुनडी ओडेने वेगा आवो।।
अरे पग री पायल बाजती आशापुरा माँ,
पग मे पायल बाजती आशापुरा माँ,
बिछिया रे झनकारे वेगा आवो,
वारी वारी ओ माँ,
बिछिया रे झनकारे वेगा आवो।।
अरे हाथा पगा मे मेहन्दी सोवे आशापुरा माँ,
अरे हाथा पगा मे मेहन्दी सोवे आशापुरा माँ,
चुडलो फेरे ने रमता आवो,
वारी वारी ओ माँ,
चुडलो फेरे रमता आवो।।
नाक में नथडी सोवनी आशापुरा माँ,
अरे नाक में नथडी सोवनी आशापुरा माँ,
बिन्दीया तो सजाने वेगा आवो,
वारी वारी ओ माँ,
बिन्दीया तो सजाने वेगा आवो।।
अरे शंकर मनावे आपने आशापुरा माँ,
हे शंकर मनावे आपने आशापुरा माँ,
किशोर रे हलकारे वेगा आवो,
वारी वारी ओ माँ,
किशोर रे हलकारे वेगा आवो।।
सनवाडा री आशापुरा धनीयानी माँ,
अरे सनवाड़ा री आशापुरा धनीयानी माँ,
भगतो रे बुलाया वेगा आवो,
वारी वारी ओ माँ,
भगतो रे बुलाया वेगा आवो,
वारी वारी ओ माँ,
भगतो रे हलकारे वेगा आवो।।
गायक – शंकर टाक जी।
प्रेषक – मनीष सीरवी
9640557818
