राम नाम भजीया ज्याने,
मोती महल मिलीया रे,
हे पहाडा मे तप करीयो,
ज्याने राज मिलीयो रे,
के जूने जोधाणे,
अरे पहाडा मे तप करीयो,
ज्याने राज मिलीयो रे,
के जूने जोधाणे,
जियो जियो रे जूने जोधाणे,
परमेश्वर पत्ता लिखने दिना रे,
के जूने जोधाणे।।
ए हे हसने बोलो सबसु भाया,
अनेचो मत राखो रे,
अरे हसने बोलो सबसु भाया,
अनेचो मत राखो रे,
हे थोड़ा दिना रो जीवनो,
भलाई लेलो रे,
के ओची उमर मे,
हे थोड़ा दिना रो जीवनो,
भलाई लेलो रे,
के ओची उमर मे,
जियो जियो रे ओची उमर मे,
संसार में भलाई लेलो रे,
के ओची उमर मे।।
ए हे उठते प्रभाते भाया,
राम कृष्ण ने सिमरो रे,
अरे उठते प्रभाते भाया,
राम कृष्ण ने सिमरो रे,
हे राज करण री वेला भाया,
वेगा उठो रे,
के रिजग बाटीजे,
अरे उठते प्रभाते भाया,
वेगा उठो रे,
के रिजग बाटीजे,
जियो जियो रे रिजग बाटीजे,
प्रभाते राम रो सुमिरन करलो रे,
के रिजग बाटीजे।।
ए हे खेजडला री देवी माता,
नाहर ने सिणघारे रे,
अरे खेजडला री देवी माता,
नाहर ने सिणघारे रे,
अरे नाहर ने सिणघार देवी,
हेलो मारे रे,
के सुनजो सिरदारा,
अरे नाहर ने सिणघार देवी,
हेलो मारे रे,
के सुनजो सिरदारा,
जियो जियो रे सुनजो सिरदारा,
झगड़ा मे थारी जीत वेला रे,
के सुनजो सिरदारा।।
ए हे वडलीवाला भेरूजी,
थारो कालो डोरो बांधु रे,
अरे वडलीवाला भेरूजी,
थारो कालो डोरो बांधु रे,
हे रेखलीया जोताय थारी,
जात देवु रे,
के भेरू वडली रो,
अरे रेखलीया जोताय थारी,
जात देवु रे,
के भेरू वडली रो,
जियो जियो रे भेरू वडली रो,
बांज्या ने बेटा देवे रे,
के भेरू वडली रो।।
ए हे चंदा थारे चांदने,
तारा रो तेज मोलो रे,
अरे चंदा थारे चांदने,
तारा रो तेज मोलो रे,
हे सीताजी रे ढोलीये,
हनुमंत रो पेरो रे,
के ढलती रात रो,
अरे सीताजी रे ढोलीये,
हनुमंत रो पेरो रे,
के ढलती रात रो,
हा हा रे ढलती रात रो,
रखवाली बाबो पक्की राखे रे,
के ढलती रात रो।।
ए हे केशर घोडी कालवी,
भालाला थाने सोवे रे,
अरे केशर घोडी कालवी,
भालाला थाने सोवे रे,
हे लीलो घोडो नवलखो,
रामदेवजी ने सोवे रे,
के भाया रूनीचे,
अरे लीलो घोडो नवलखो,
रामदेवजी ने सोवे रे,
के भाया रूनीचे,
जियो जियो रे भाया रूनीचे,
कलजुग मे भाया परचा भारी रे,
के बाबो रूनीचे।।
ए हे पाबू थारी कालवी,
डंका रे जोडे दौडे़ रे,
अरे पाबू थारी कालवी,
डंका रे जोडे दौडे़ रे,
हे ऊबा ऊबा आकाशा रा,
तारा तोडे रे,
के पाबू भालाला,
अरे ऊबा ऊबा आकाशा रा,
तारा तोडे रे,
के पाबू भालाला,
जियो जियो के पाबू भालाला,
राठौडी शूरो अमर वेगो रे,
के पाबू भालाला।।
ए हे किल्ला आगे चोतरी,
हनुमान गोडी ढाली रे,
अरे किल्ला आगे चोतरी,
हनुमान गोडी ढाली रे,
हे उठते हनुमान बाबो,
हाकल दिनी रे,
के जटाधारी नेे,
अरे उठते हनुमान बाब,
हाकल दिनी रे,
के जटाधारी नेे,
जियो जियो के जटाधारी नेे,
हनुमान थारा परचा भारी रे,
के जटाधारी नेे।।
ए हे सांझ री उडीयोडी कुरजा,
रात कठे रेगी रे,
अरे सांझ री उडीयोडी कुरजा,
रात कठे रेगी रे,
हे पाल समंद री पाल पे,
हिलोरा लेती रे,
के उडती कुरजलीया,
अरे पाल समंद री पाल पे,
हिलोरा लेती रे,
के उडती कुरजलीया,
जियो जियो रे उडती कुरजलीया,
थारी बोली माने मीठी लागे रे,
के उडती कुरजलीया।।
ए हे पाल समंद रे बाग में,
चम्पा री डाली लागी रे,
अरे पाल समंद री बाग में,
चम्पा री डाली लागी रे,
हे जोधाणे आयोडी फौजा,
पाछी भागी रे,
के रंग है राठौडा,
अरे जोधाणे आयोडी फौजा,
पाछी भागी रे,
के रंग है राठौडा,
जियो जियो रे रंग है राठौडा,
मूछा रे माते ताव दिनो रे,
के रंग है राठौडा।।
ए हे मोडकी मगरी रो पानी,
ढालो ढाल ढलीयो,
अरे मोडकी मगरी रो पानी,
ढालो ढाल ढलीयो रे,
अरे आबू थारा पहाडा मे,
अंग्रेज हलीयो रे,
के तीकी टोपी रो,
अरे आबू थारा पहाडा मे,
अंग्रेज हलीयो रे,
के तीकी टोपी रो,
जियो जियो के तीकी टोपी रो,
अंग्रेज थारो हुनर भारी रे,
के तीकी टोपी रो।।
राम नाम भजीया ज्याने,
मोती महल मिलीया रे,
हे पहाडा मे तप करीयो,
ज्याने राज मिलीयो रे,
के जूने जोधाणे,
अरे पहाडा मे तप करीयो,
ज्याने राज मिलीयो रे,
के जूने जोधाणे,
जियो जियो रे जूने जोधाणे,
परमेश्वर पत्ता लिखने दिना रे,
के जूने जोधाणे।।
गायक – प्रकाश माली जी।
प्रेषक – मनीष सीरवी
9640557818
