फूल मंगावा मोगरा थाने,
चरण चढ़ावा म्हारा भेरूजी,
ओ म्हारे आंगने पधारो मारा भेरूजी।।
भोग लगवा चूरमो थाने,
नुत जिमावा म्हारा भेरूजी,
ओ म्हारे आंगने पधारो मारा भेरूजी।।
ढोल नगडा नोपता थारे,
द्वार बजावा म्हारा भेरुजी,
ओ म्हारे आंगने पधारो मारा भेरूजी।।
चावल रंदाऊ लापसी थाने,
धुप लगाऊ म्हारा भेरूजी,
ओ म्हारे आंगने पधारो मारा भेरूजी।।
अमल मँगाऊ आपरे थारे,
गूगल गालु म्हारा भेरूजी,
ओ म्हारे आंगने पधारो मारा भेरूजी।।
राजू भेरू आविया थारे,
गावे गवैया म्हारा भेरूजी,
ओ म्हारे आंगने पधारो मारा भेरूजी।।
भक्त मंडल री विनती थाने,
गाय सुणावा म्हारा भेरूजी,
ओ म्हारे आंगने पधारो मारा भेरूजी।।
फूल मंगावा मोगरा थाने,
चरण चढ़ावा म्हारा भेरूजी,
ओ म्हारे आंगने पधारो मारा भेरूजी।।
गायिका – नाहर सिस्टर्स।
प्रेषक – पं वेद प्रकाश शास्त्री बेरासर।
9413571044
