नागाणा राणी हेलो मारो सुण लिजो

मैं तो मंडोवर को भेरू,
पूज आयो राज राणियां वो,
आयो कुळ धणियाणी,
हेलो मारो सुण लिजो,
नागाणा राणी,
हेलो मारो सुण लिजो,
कुळ री धणियाणी,
हेलो मारो सुण लिजो।।

लाल कसूम्बल मैया चुंदड़ी मंगाया,
हीरा पन्ना ज्या में खूब जड़ाया,
अब चुनड़ी ओढ़ कृपा कर दो,
राज राणियां वो,
कर दो कुळ धणियाणी वो,
हेलो मारो सुण लिजो,
नागाणा रानी,
हेलो मारो सुण लिजो।।

सोना रूपाळी मैया नथणी में लाया,
नथणी लाया ज्या में रतन जड़ाया,
थारा माथा माही टीकों प्यारो,
लागे राज राणियां वो,
लागे कुळ धणियाणी वो,
हेलो मारो सुण लिजो,
नागाणा रानी,
हेलो मारो सुण लिजो।।

कर मनवारा मां थाने बुलावा हां,
आओ थे आओ मैया गुण थारा गावा हां,
अब थारोड़ा भगता की लाज,
राखो राज राणियां वो,
राखो कुळ धणियाणी वो,
हेलो मारो सुण लिजो,
नागाणा रानी,
हेलो मारो सुण लिजो।।