मिन्दर री खिड़की तू तो खोल मीराबाई,
मिन्दर री खिड़की तू तों खोल,
राणो आयो है दर्शन करवाने ओ जी,
अरे राणो आयो है दर्शन करवाने ओ जी।।
अरे नही है नुगरा रो अटे काम राणा,
नही है नुगरा रो अटे काम,
नुगरा मिनका ने दर्शन कोनी मिले ओ जी,
अरे नुगरा मिनका ने दर्शन कोनी मिले ओ जी।।
अरे कुण तो धरीया है माथे हाथ,
मीराबाई कुण तो धरीया है माथे हाथ,
किनरा थे कंठी डोरा बांधीया ओ जी,
अरे किनरा थे कंठी डोरा बांधीया ओ जी।।
अरे रविदास धरीया माथे हाथ राणा,
रविदास धरीया माथे हाथ,
डोरा कंठी वेतो बांधीया ओ जी,
अरे कंठी डोरा वेतो बांधीया ओ जी।।
अरे ओची है जमारा वाली जात मीराबाई,
ओची है जमारा वाली जात,
मुआ ढोरो रा काटे चामडा ओ जी,
अरे मुआ ढोरो रा काटे चामडा ओ जी।।
अरे कोनी मारे ऊंच नीच रो काम राणा,
कोनी मारे जात पात रो काम,
बोना देखेने गुरूसा कर दिया ओ जी,
अरे बोना देखेने गुरूसा कर दिया ओ जी।।
अरे नेनी रे थकी मे भजीया राम मीराबाई,
नेनी थकी मे भजीया राम,
थोडो परचो माने बतावनो ओ जी,
अरे थोडो परचो तो माने बतावनो ओ जी।।
अरे छोटी उमर मे भजीया श्याम,
मीराबाई छोटी उमर मे भजीया श्याम,
थोडो रामय्या ने हेलो मार जो ओ जी,
अरे थोडो रामय्या ने हेलो मार जो ओ जी।।
आतो लेली लेली कंठी माला हाथ मीराबाई,
लेली लेली कंठी माला हाथ,
अरे हवले सावरिया ने हेलो मारीयो ओ जी,
अरे हवले अरे ने हेलो मारीयो ओ जी।।
ओ हो धडा धड इन्द्र गाजे रेण राणा,
धडा धड इन्द्र गाजे रेण,
मेवुडो बरसे रे मुसलाधार मे ओ जी,
अरे मेवुडो बरसे रे मुसलाधार मे ओ जी।।
अरे कोनी भगती कायर वालो काम राणा,
कोनी भगती कायर वालो काम,
शूरा पूरा री भगती खेलनी ओ जी,
अरे शूरा पूरा री भगती खेलनी ओ जी।।
मिन्दर री खिड़की तू तो खोल मीराबाई,
मिन्दर री खिड़की तू तों खोल,
राणो आयो है दर्शन करवाने ओ जी,
अरे राणो आयो है दर्शन करवाने ओ जी।।
गायक – प्रकाश माली जी।
प्रेषक – मनीष सीरवी
9640557818
