मनै करया रे सभा में याद,
करूँ फरियाद सबल सिंह बोरी,
तेरी खास जरूरत होरी।।
तेरा भरोसा मान क बाबा,
बैठग्या दरबार में,
साथ देणिया तेरे जैसा,
नहीं सुण्या संसार में,
तेरा न्यारा स अंदाज़,
करूँ फरियाद सबल सिंह बोरी,
तेरी खास जरूरत होरी।।
मतन्या देर लगाइये बाबा,
झूम झूम क आइये बाबा,
खड़ी देश के रहते गेल्याँ,
माई धुतनी भी ल्याइये बाबा,
र तेरा जोड़ा रह आबाद,
करूँ फरियाद सबल सिंह बोरी,
तेरी खास जरूरत होरी।।
दे दे क सिस्कारी आइये,
कांधे प दोनाली ठाइये,
माई मदानन के जोड़े में,
मरघट आली काली चाहिए,
र थारी सुनना चाहूँ आवाज़,
करूँ फरियाद सबल सिंह बोरी,
तेरी खास जरूरत होरी।।
मानसिंह बादी सेवक थारा,
पीर जफ़रिया चाहिए प्यारा,
उरलाने का खेड़ा बसियो,
बेटा रहता खास तुम्हारा,
‘मुकेश’ बजा रया साज,
करूँ फरियाद सबल सिंह बोरी,
तेरी खास जरूरत होरी।।
मनै करया रे सभा में याद,
करूँ फरियाद सबल सिंह बोरी,
तेरी खास जरूरत होरी।।
गायक – मुकेश जी शर्मा।
प्रेषक – दीपक सोनी।
9255910203
