लीला घोड़ा वाला बाबा,
थारे लुम्बो लटके,
लुम्बो लटके हाथ में,
भलो भळके।।
पेलो-पेलो पर्चो माता,
मैणादे ने दीदो रे,
उफनतोड़ो दूध ठरायो झटके,
लीला घोडा वाला बाबा,
थारे लुम्बो लटके।।
दूजो-दूजो पर्चो लखी,
बिनजारा ने दीदो रे,
मिश्री रो लूण बनाओ झटके,
लीला घोडा वाला बाबा,
थारे लुम्बो लटके।।
तीजो-तीजो पर्चो सेठ,
बोइनता ने दीदो रे,
डुबोड़ी जहाज तिराइ झटके,
लीला घोडा वाला बाबा,
थारे लुम्बो लटके।।
चौथो-चौथो पर्चो बाई,
सुगनादे ने दीदो रे,
मरियोड़ो भानुड़ो जीवायो झटके,
लीला घोडा वाला बाबा,
थारे लुम्बो लटके।।
पांचवो पर्चो पाँचू पीरा ने दीदो रे,
मक्कासु कटोरा मंगाया झटके,
लीला घोडा वाला बाबा,
थारे लुम्बो लटके।।
हरी रे चरणा में भाटी,
हरजी बोले रे,
जुग-जुग शरणा में राको झटके,
लीला घोडा वाला बाबा,
थारे लुम्बो लटके।।
लीला घोड़ा वाला बाबा,
थारे लुम्बो लटके,
लुम्बो लटके हाथ में,
भलो भळके।।
गायक – श्यामनिवास पाली मारवाड़।
9983121148
