पोमावा में बनीयो थोरो देवरो भवानी,
जियो सुभद्रा मां,
पोमावा में बनीयो थोरो देवरो भवानी,
पोमावा नगरी में थोरो बेसणो चामुंडा,
आया थे तो भगतों वाली,
वेल म्हारी ए कुल धनीयाणी,
वेल म्हारी ए जग कल्याणी,
दर्शन देवोनी जग री जोगनी भवानी,
हाथ रे हजुर रहीजो मावडी चामुंडा।।
जियो सुभद्रा मां,
धुम्बडा भाखर सु रथडो हाकीयो ए भवानी,
धुम्बडा भाखर सु रथडो हाकीयो चामुंडा,
आया थेतो पोमावा रे,
माय म्हारी ए कुल धनीयाणी,
माय म्हारी ए जग कल्याणी,
दर्शन देवो नी जग री जोगनी सुभद्रा मां,
हाथ रे हजुर रहीजो मावडी चामुंडा।।
जियो सुभद्रा मां,
जेताराम जी करी थोरी थापना ए भवानी,
पोमावा में करी भगत थापना चामुंडा,
धुम्बडा सु लाया अखण्ड,
ज्योत म्हारी ए कुल धनीयाणी,
ज्योत म्हारी ए जग कल्याणी,
दर्शन देवोनी मोटी मावडी सुभद्रा मां,
हाथ रे हजुर रहीजो चामुंडा भवानी।।
जियो सुभद्रा मां,
सिंह री असवारी वेगी आवजो ए भवानी,
भगतो रे बुलाया वेगा आवजो ए चामुंडा,
काला गोरा भेरु अगवानी,
म्हारी ए कुल धनीयाणी,
वानी म्हारी ए जग कल्याणी,
दर्शन देवोनी जग री जोगनी ए चामुंडा,
महर तो करोनी मोटी मावडी सुभद्रा।।
जियो सुभद्रा मां,
पोमावा नगरी में चमके चांदनो ए भवानी,
सातम उजियाली चमके चांदनो ए चामुंडा,
आरतियां री वेला वेगी,
आव म्हारी ए कुल धनीयाणी,
आव म्हारी ए जग कल्याणी,
दर्शन देवोनी जग री जोगनी चामुंडा,
हाथ रे हजुर रहीजो मावडी सुभद्रा मां।।
जियो कुलदेवी जेताराम जी,
मकु देवी चरने आविया ए भवानी,
हीराराम जी रतन जी भगत आविया कुलदेवी,
तेजाराम सवारामजी ने होरा,
राखो म्हारी ए कुल धनीयाणी,
राखो म्हारी ए जग कल्याणी,
भगता ऊपर छत्तर छाया राखजो ए सुभद्रा,
हाथ रे हजुर रहीजो मावडी चामुंडा।।
जियो सुभद्रा मां,
भोपीजी नंदा बाईसा करे सेवना ए भवानी,
डियारसा चौहान ध्यावे आपने कुलदेवी,
*मनीष सीरवी* लिखे थोरी,
महिमा म्हारी ए कुल धनीयाणी,
महिमा म्हारी ए जग कल्याणी,
*भवानी कोलू* वालो गावे भाव सु सुभद्रा,
हाथ रे हजुर रहीजो मावडी चामुंडा।।
पोमावा में बनीयो थोरो देवरो भवानी,
जियो सुभद्रा मां,
पोमावा में बनीयो थोरो देवरो भवानी,
पोमावा नगरी में थोरो बेसणो चामुंडा,
आया थे तो भगतों वाली,
वेल म्हारी ए कुल धनीयाणी,
वेल म्हारी ए जग कल्याणी,
दर्शन देवोनी जग री जोगनी भवानी,
हाथ रे हजुर रहीजो मावडी चामुंडा।।
गायक – भवानी सिंह जी राजपुरोहित (कोलू)
लेखक – मनीष सीरवी रायपुर।
(जिला ब्यावर राजस्थान)
9640557818
