भादरवा मे मेलों लागो,
गढ़ रूणिचै धाम,
सगला जावे जातरी ए,
ले बाबा रो नाम,
बोल भाई जय बाबे री,
बौल भाई जय बाबे री।।
बरसन लागो भादवौ ने,
मोर पपिहा बोलें,
आ आकाशा मे चमके बादली,
कडकडाह ने डौले,
ओ समद तलाव ए तिरिया भरिया,
कमी नही कावण री,
बौल भाई जय बाबे री,
बौल भाई जय बाबे री।।
छोटा मोटा टाबर संग में,
बूढ़ा लोग लुगाई,
अरे ढौल नगारा डी जे ए,
बाबा रे मेला री माई,
हो जी रंग गुलाल मे जुम जुम ने,
होड मची नाचन री,
बौल भाई जय बाबे री,
बौल भाई जय बाबे री।।
ओ जी रूणिचै रा राम धणी,
तू चरणा माही लीजे,
थारी चौखट जो भी आवे,
ज्याने दर्शन दीजे,
ओ जी सब देवा ने छोड़ ने ध्यावा,
अर्ज सुने नरपत री,
बौल भाई जय बाबे री,
बौल भाई जय बाबे री।।
भादरवा मे मेलों लागो,
गढ़ रूणिचै धाम,
सगला जावे जातरी ए,
ले बाबा रो नाम,
बोल भाई जय बाबे री,
बौल भाई जय बाबे री।।
Singer – Hari Om Rajpurohit
