बीरा रामदेव हो बीरा म्हाने एक बार लेवण आए

बीरा रामदेव हो बीरा म्हाने,
एक बार लेवण आए,
अरे अलगो गणो सासरो रे,
बीरा म्हाने माता मिलण रो छावनी,
बीरा म्हारा रामदेव रे,
जामण जाया एक बार लेवण आए।।

अलगी गणी परणाई रे बीरा म्हारी,
लीनी नहीं सार संवार,
अरे आछो लगन लिखायो जोशी ने,
क्युं नही खाओ कालो नाग,
बीरा रामदेव हों भीरा म्हाने ,
एक बार लेवण आए।।

अरे बेठी ने दोनुं झुरे रे म्हारा,
बुढा मायर बाप,
अरे जीव अमुझे उंडी डोरिया में म्हारे,
पड़े काल पर काल,,
बीरा रामदेव हों भीरा म्हाने ,
एक बार लेवण आए।।

अरे सासु जितरे सासरो रे भीरा,
मायड जितरे पीर,
अरे जद भोजाया घर आवसी ओ,
थारो बस कोनी चाले म्हारा भीर,
बीरा रामदेव हों भीरा म्हाने ,
एक बार लेवण आए।।

अरे एकरतो दिखा दे रे बीरा म्हाने,
रुणीचा रा रुंख,
अरे कुण जाणे कद होवसी रे,
बीरा गांव रुणीचा माही धुप,
बीरा रामदेव हों भीरा म्हाने ,
एक बार लेवण आए।।

अरे भीर हुकुम रतना ने दिन्हो,
बाई सुगना ने लाए,
ओल्यु सुगना बेन री ओ,
कोई कत्थ गावे पन्ना लाल,
बीरा रामदेव हों बीरा म्हाने ,
एक बार लेवण आए।।

बीरा रामदेव हो भीरा म्हाने ,
एक बार लेवण आए,
अरे अलगो गणो सासरो रे,
बीरा म्हाने माता मिलण रो छावनी,
बीरा म्हारा रामदेव रे,
जामण जाया एक बार लेवण आए।।

स्वर – मोइनुद्दीन जी
प्रेषक – नारायण रेगर
Ph. 9549365704