भोमिया बैठा,
रंगडे री जाजम ढाल।
दोहा – घोड़ों जोड़ो पागड़ी,
मुचा तणी मरोड़,
या पांचों ही राख ली,
रजपूती राठौड,
मिंडोदा धरती रे मायने,
थाको रुडो सजियो दरबार,
अर्ज साभलो भोमिया जी,
थाने नमन है बारंबार।
भोमिया बैठा,
रंगडे री जाजम ढाल,
अमल कसुंबा सुरा,
गाळियां ओ जिओ।।
अरे सुरमा डोडी वेवे,
अम्ला री मनवार,
भोमिया डोडी वेवे,
अमला री मनवार,
भाई भाया बीच प्याला,
फेरियो ओ जियो।।
अरे सुरमा खेता चरती,
मारी गोरी गाय,
सुरमा खेता चरती,
मारी गोरी गाय,
गाय ग्वाला ने चोरा,
गेरली रे जियो।।
अरे सुरमा ले ली ले ली,
हाथों में तलवार,
भोमिया ले ली,
हाथों में तलवार,
क्रोध करी ने मुचा,
ताण ली रे जियो।।
भोमिया बैठा बैठा,
घोडलिए असवार,
सुरमा बैठा बैठा,
घोडलिए असवार,
चालिया गाया वाली,
राड में रे जियो।।
अरे भोमिया जावे जावे,
रण भारत रे माय,
सुरमा जावे जावे,
रण भारत रे माए,
ओ रण में मछियों रे,
घमासान रे ओ जिओ।।
अरे भोमिया लाया लाया,
सगली गाय गैर,
सुरमा लाया लाया,
सगली गाया गैर,
रण में चोरा ने सब,
मारियो रे जिया जिओ।।
अरे भोमिया आवो आवो,
भक्ता री अरदास,
सुरमा आवो,
भक्ता री अरदास,
भगत बुलावे थाने,
आज रे ओ जिओ।।
अरे भोमिया करजो करजो,
सुमिरे जाकी साय,
सुरमा करजो,
सुमरे झांकी साय,
अबला री अरदास वेगा,
आवजो रे जिओ।।
अरे भोमिया शिश कटाया,
रण रे माए,
सुरमा शीश कटाया,
रण रे माएं,
अमर हो ग्यो रे जग में,
नाम रे ओ जिओ।।
अरे भोमिया बैठा बैठा,
हरिये वन रे माई,
सुरमा बैठा,
मिन्दोडा रे माई,
भोपा मनावे वेगा,
आवजो रे जिओ।।
अरे बावजी लिखे लिखे,
केशु रे लोहार,
सुरमा गावे अनंत लोहार,
बैठा चरणो में दाता,
आप री रे जिओ।।
भोमिया बैठा,
रंगडे री जाजम ढाल,
अमल कसुंबा सुरा,
गाळियां ओ जिओ।।
गायक – अनंत लोहार।
प्रेषक – केशु लाल लोहार।
9784293640
