कमर कटारो थारा,
हाथ में भालो बाबा,
भजना में बेगा बेगा आओ,
रूणिचा वाला,
जमला में बेगा बेगा आओ।।
माता मैना दे थाने बुलावे बाबा,
उफ्नता दूध रुकाया रे,
सुगना का बीरा,
उफ्नता दूध रुकाया रे।।
रूपों दर्जी को बाबा थाने पुकारे बाबा,
कपडा घोडलिया उडाया,
रुणींचा वाला,
कपडा का घोडलिया उडाया रे।।
लखि बनजारो बाबा थाने पुकारे बाबा,
मिस्री का लून बनाया रे,
रुणींचा वाला,
मिस्री का लून बनाया रे।।
बान्यो बोहिता को थाने पुकारे बाबा,
समदर् मे जहाज तराया रे,
रुणींचा वाला,
समदर् मे जहाज तराया रे।।
पांच पीर बाबा थाने पुकारे बाबा,
मक्का से कटोरा मँगवाया रे,
रुणींचा वाला,
मक्का से कटोरा मंगवाया।।
रानी रूपादे के बेगा बेगा आऔ जी बाबा,
थाली में बाग लगाया रे,
रुणींचा वाला,
थाली में बाग लगाया रे।।
कमर कटारो थारा,
हाथ में भालो बाबा,
भजना में बेगा बेगा आओ,
रूणिचा वाला,
जमला में बेगा बेगा आओ।।
गायक – राजकिरण योगी।
गांव – उखलाना (टोंक)
मो. 8875084743
