बाबा तेरी भगति का का रंग चढग्या

बाबा तेरी भगति का,
का रंग चढग्या,
रंग चढग्या मेरे,
रंग चढग्या,
मन्नै जबते जोत जगाई,
बाबा तेरे दिल तै,
दिल जुडग्या।।

चालीसा का पाठ,
करया सुबह शाम,
लेके माला खुब,
रट्‌या तेरा नाम,
गुण गाण करया,
मन्नै ध्यान धरया,
में क्यूकर करू बडाई,
इसा फूल मेरे,
दिल में खिलगया।।

तेरे भजना तै,
लगण हटाई ना,
आज्या श्यामी,
चाहिए परछाई ना,
किरपा करीए,
झोली भरिए,
सुण लाल लंगोटे आले,
तु हाथ मेरे,
सिर पै धरजया।।

मन्नै तन मन धन सब,
तेरे नाम करया,
आज कुकर भूलू,
बाबा श्यान तेरा,
मै न्यू चाहु,
तेरा गुण गाऊ,
मने जुटी दुनिया त्यागी,
मैं थारे चरना में पडल्या।।

मोहित पांचाल,
चावे से दीदार,
इस बालक पे,
कद बरसे तेरा प्यार,
मने भक्ति दे,
आज शक्ति दे,
यो नान्हा ठेकेदार भी,
सुण भजन,
धमाके का घड्याग्या।।