अर्ज करा थानै,
ओ ध्वजा बंद,
अर्ज करां थानै,
दुखियां री अरदास है बाबा,
देवो दर्शन म्हानै।।
अजमल जी नै ठाकुर मिलिया,
दिया दर्शन बानै,
ओ बापजी दिया दर्शन बानै,
पिंगे आण प्रेम गुरु पोढेया,
मैणादे सूं छानै ध्वजा बंद,
अर्ज करां थानै,
दुखियां री अरदास है बाबा,
देवो दर्शन म्हानै।।
हिलिओ द्वेत बावड़ी पर आवै,
हटकेओ नां मानै ओ,
बापजी हटकेओ नां मानै,
दड़ियां रमतां टोरो मारेयो,
जा छिपिया छानै ध्वजा बंद,
अर्ज करां थानै,
दुखियां री अरदास है बाबा,
देवो दर्शन म्हानै।।
दानव देव अखाड़े लड़िया,
दाब लिओ देवै,
ओ बापजी दाब लिओ देवै,
पकड़ भुजा धरती पर मारयो,
कंश मारयो कान्हे ध्वजा बंद,
अर्ज करां थानै,
दुखियां री अरदास है बाबा,
देवो दर्शन म्हानै।।
पापी नुगरा लोभी लालची,
म्हे थांरै पानै,
ओ बापजी म्हे थांरै पानै,
हरी राम पर किरपा किजो,
देवो दर्शन बानै ध्वजा बंद,
अर्ज करां थानै,
दुखियां री अरदास है बाबा,
देवो दर्शन म्हानै।।
अर्ज करा थानै,
ओ ध्वजा बंद,
अर्ज करां थानै,
दुखियां री अरदास है बाबा,
देवो दर्शन म्हानै।।
गायक / प्रेषक – नन्दू सोलंकी।
9828281232
