प्रथम पेज राजस्थानी भजन आ गाडूली तो अमरापुर में जाय बैठ जावो गाडी में

आ गाडूली तो अमरापुर में जाय बैठ जावो गाडी में

आ गाडूली तो अमरापुर में जाय,
बैठ जावो गाडी में,
आ गाडूली तो अमरापुर मे जाय,
बैठ जावो गाडी मे।।



इन रे गाडी मे हरिश्चन्द्र बैठा,

इन रे गाडी मे हरिश्चन्द्र बैठा,
संग तारामती नार,
बैठ जावो गाडी मे,
बैठी तारामती नार,
बैठ जावो गाडी मे।।



इन रे गाडी में नरसी मेहता बैठा,

इन रे गाडी मे नरसी मेहता बैठा,
प्रभु भात भरायो हजार,
बैठ जावो गाडी मे,
प्रभु भात भरायो हजार,
बैठ जावो गाडी मे।।



इन रे गाडी मे बलि राजा बैठा,

इन रे गाडी मे बलि राजा बैठा,
खुद प्रभु आया मांगन द्वार,
बैठ जावो गाडी मे,
खुद प्रभु आया मांगन द्वार,
बैठ जावो गाडी मे।।



इन रे गाडी मे मीराबाई बैठा,

इन रे गाडी मे मीराबाई बैठा,
ज्याने मिलीया कृष्ण मुरार,
बैठ जावो गाडी मे,
ज्याने मिलीया कृष्ण मुरार,
बैठ जावो गाडी मे।।



इन रे गाडी मे रूपादे जी बैठा,

इन रे गाडी मे रूपादे जी बैठा,
राजा रावल माल मानी हार,
बैठ जावो गाडी मे,
राजा रावल माल मानी हार,
बैठ जावो गाडी मे।।



इन रे गाडी मे धन्ना भगत बैठा,

इन रे गाडी मे धन्ना भगत बैठा,
प्रभु निपजाया हीरा ज्वार,
बैठ जावो गाडी मे,
प्रभु निपजाया हीरा ज्वार,
बैठ जावो गाडी मे।।



अरे राम नाम री गाडी बनाई,

राम नाम री गाडी बनाई,
गाडी भगता री प्राण आधार,
बैठ जावो गाडी मे,
गाडी भगता री प्राण आधार,
बैठ जावो गाडी मे।।



राम नाम री गाडी सब बैठो,

राम नाम री गाडी सब बैठो,
होय जावो भवजल पार,
बैठ जावो गाडी मे,
होय जावो भवजल पार,
बैठ जावो गाडी मे।।



इन रे गाडी मे सब कोई बैठो,

इन रे गाडी मे सब कोई बैठो,
करे दास कबीरो पुकार,
बैठ जावो गाडी मे,
करे दास कबीरो पुकार,
बैठ जावो गाडी मे।।



आ गाडूली तो अमरापुर में जाय,

बैठ जावो गाडी में,
आ गाडूली तो अमरापुर मे जाय,
बैठ जावो गाडी मे।।

प्रेषक – मनीष सीरवी।
(रायपुर जिला पाली राजस्थान)
9640557818


कोई टिप्पणी नही

आपको ये भजन कैसा लगा? कृपया प्ले स्टोर से भजन डायरी एप्प इनस्टॉल कीजिये।

अपनी टिप्पणी लिखें
अपना नाम दर्ज करें

error: कृपया प्ले स्टोर से \"भजन डायरी\" एप्प डाउनलोड करे।