सांवरिया उपकार तेरा,
जब सै खाटू नगरी आया,
इतना मिल्या सै प्यार तेरा,
जन्म जन्म तक भूलूं कोन्या,
साँवरिया उपकार तेरा।।
सब सेठा का सेठ सांवरा,
नहीं किसे नै नाटै जी,
जो भी दर पै आवै बाबा,
झोली भर भर बाटै जी,
तेरे कारण बाबा जी आज,
मौज करै परिवार मेरा,
जन्म जन्म तक भूलूं कोन्या,
साँवरिया उपकार तेरा।।
साच बताऊं बाबा जी मै,
बहुत घणा तंग पारहया था,
खाटू आने से पहले तो,
न्यू ए धक्के खा रहया था,
तेरी दया तै बाबा जी आज,
खूब चलें व्यापार मेरा,
जन्म जन्म तक भूलूं कोन्या,
साँवरिया उपकार तेरा।।
खाटू वाले श्याम धणी तैने,
ऐसी करदी मौज मेरी,
घर सारे ठाठ बाट होए,
मनै दिवाली रोज मेरी,
भीम सैन तो हरदम बाबा,
रहैगा ताबेदार तेरा,
जन्म जन्म तक भूलूं कोन्या,
साँवरिया उपकार तेरा।।
जब सै खाटू नगरी आया,
इतना मिल्या सै प्यार तेरा,
जन्म जन्म तक भूलूं कोन्या,
सांवरिया उपकार तेरा।।
Singer – Ravinder Fouji
7006681165
