ओ मारा गाया रा ग्वाल,
माता यशोदा रा लाल,
साँवरा मन मारो मोयो सा,
मीरा रा मोहन,
मन मारो मोयो सा।।
धन्य है धरती मेवाडा री,
मन्डफया नगर ठीकाणो,
घट घट में निवास करो थे,
लागे धाम सुहाणु,
माथे मोरलिया रो मोड़,
हीरो दाढ़ी चमके ठोड,
सांवरा मन मारो मोयो सा,
मीरा रा मोहन,
मन मारो मोयो सा।।
जीन नर पकडयो थारो पायो,
उणरो बेडो पार,
जीण रा धंधा थाके नाम पे,
भर देवो भंडार,
हारी जीता देवो बाजी,
करदो दुनिया ने थे राजी,
सांवरा मन मारो मोयो सा,
मीरा रा मोहन,
मन मारो मोयो सा।।
मारी झोपड़ी आओ सांवरा,
खोलो किस्मत ताला,
56 भोग जीमाउ थाने,
मोहन मुरली वाला,
खिचडो कर्मा बाई रो खायो,
साग विदुर जी घर पायो,
सांवरा मन मारो मोयो सा,
मीरा रा मोहन,
मन मारो मोयो सा।।
सूरत सावली घणी रुपाली,
दुनिया दर्शन आवे,
निरख निरख आख्या ना थाके,
भक्ति भाव जगावे,
बागा केसरिया सिणगारी,
जावा चरणा वारी वारी,
सांवरा मन मारो मोयो सा,
मीरा रा मोहन,
मन मारो मोयो सा।।
गाड़ी मारी आप संभालो,
जग रा नाथ खेवईया,
राधा रुक्मण वाला सांवरा,
तारो भगता री नैया,
मारा साँवरिया दिलदार,
सरणे सुरेश पड्यो सरकार,
सांवरा मन मारो मोयो सा,
मीरा रा मोहन,
मन मारो मोयो सा।।
ओ मारा गाया रा ग्वाल,
माता यशोदा रा लाल,
साँवरा मन मारो मोयो सा,
मीरा रा मोहन,
मन मारो मोयो सा।।
गायक – रतन जी राव।
प्रेषक – किशन धाकड़।
8118823912
