जय श्री ओम बन्ना म्हारा चोटिला सिरदार

जय श्री ओम बन्ना,
म्हारा चोटिला सिरदार,
जय श्री ओम बन्ना,
म्हारा राठौड़ी सिरदार।।

मरूधर में चोटिला गांव,
जटे ओम बन्ना सा रो धाम,
होवे बुलेट रा असवार,
म्हारा ओम बन्ना सरकार,
बोलो जय श्री ओम बन्ना,
हिवडे सु बोलो जय श्री ओम बन्ना।।

जोग सिंह जी रे आंगनीया में,
ओम बन्ना हुलराय,
स्वरूप कंवर माँ लाड़ लडावे,
सखियां मंगल गाय,
पातावत राठौड़ कुल रे माय,
लियो ओम बन्ना अवतार,
बोलो जय श्री ओम बन्ना,
हिवडे सु बोलो जय श्री ओम बन्ना।।

थाना वाला ने परचो दीनो,
सगला अचरज लाया,
दादीसा रा सपना में,
ओम बन्ना सा दर्श दिखाया,
ओ म्हारी देवो मूरत बनाय,
बन्ना सा दादी सा ने बतलाय,
बोलो जय श्री ओम बन्ना,
हिवडे सु बोलो जय श्री ओम बन्ना।।

पाली ने जोधाणा बीच में,
ओम बन्ना सा रो धाम,
सातम आठम रो मेलो भरीजे,
चोटिला दरबार,
आरती होवे सुबह और शाम,
होवे थारी जय जयकार,
बोलो जय श्री ओम बन्ना,
हिवडे सु बोलो जय श्री ओम बन्ना।।

जगमग ज्योता जागे धाम पर,
भक्त आपरा आवे,
भाव भक्ति सु भोग लगावें,
मनवांछित फल पावे,
ओ मूरत सबरे मनडे भाय,
बन्ना सा री महिमा अपरम्पार,
बोलो जय श्री ओम बन्ना,
हिवडे सु बोलो जय श्री ओम बन्ना।।

‘मनीष सीरवी’ महीमा बनावे,
रश्मी निशाद गावे,
मनीष सीरवी महीमा बनावे,
बबलू अणकीया गावे,
साचे मन सु जो नर ध्यावे,
बन्ना सा पार लगावे,
ओ जिन पर ओम बन्ना सा रो हाथ,
उनरो अटके न कोई काम,
बोलो जय श्री ओम बन्ना,
हिवडे सु बोलो जय श्री ओम बन्ना।।