चांदनी तेरस उजियाली,
माजीसा घर आया रे,
कोई माजीसा घर आया,
म्हारे घर में खुशीयां लाया रे,
झीणे झीणे मोतीडा सु,
आंगनीया मे चौक पुरासु,
झीणे झीणे मोतीडा सु,
आंगनीया मे चौक पुरासु,
दर्शन म्हाने दीजो,
ए चांदनी तेरस उजीयाली,
माजीसा घर आया रे।।
लाल चुनडीया म्हारी कोई,
माजीसा ने सोवे रे,
माजीसा ने सोवे कोई,
सोना तार जडावो रे,
सिर पर रखडी माँ रे सोवे,
नाक में नथडी माँ रे सोवे,
सिर पर रखडी माँ रे सोवे,
नाक में नथडी माँ रे सोवे,
गले हार प्यारो लागे ए,
ए चांदनी तेरस उजीयाली,
माजीसा घर आया रे।।
हाथ में चुडलो बाजूबंद माँ,
प्यारो थारे लागे रे,
नखल्या वाली मेहन्दी मैया,
लाल घनेरी लागे रे,
कडिया कन्दोरो माँ रे सोवे,
पग मे पायल प्यारी लागे,
कडिया कन्दोरो माँ रे सोवे,
पग मे पायल माँ ने सोवे,
बिछ्या रो झनकारो,
ए चांदनी तेरस उजीयाली,
माजीसा घर आया रे।।
तेरस वाली रात पधारो,
घूमर मैया घालो रे,
घूमर मैया घालो थे तो,
वेगा वेगा आवो रे,
ढोल नगाडा नोपत बाजे,
माँ रमता रमता वेगा आवे,
ढोल नगाडा नोपत बाजे,
रमता रमता वेगा आवे,
झालर रो झनकारो,
ए चांदनी तेरस उजीयाली,
माजीसा घर आया रे।।
हाथ में दिवलो भगत लिनो,
माजीसा ने मनावे रे,
माजीसा ने मनावे मैया,
गुण थारा ए गावे रे,
जसोल वाली माडी म्हारी,
दुख हरणी माँ मंगल करनी,
जसोल वाली माडी म्हारी,
दुख हरणी माँ मंगल करनी,
‘श्याम पालीवाल’ गावे,
ए चांदनी तेरस उजीयाली,
माजीसा घर आया रे।।
चांदनी तेरस उजियाली,
माजीसा घर आया रे,
कोई माजीसा घर आया,
म्हारे घर में खुशीयां लाया रे,
झीणे झीणे मोतीडा सु,
आंगनीया मे चौक पुरासु,
झीणे झीणे मोतीडा सु,
आंगनीया मे चौक पुरासु,
दर्शन म्हाने दीजो,
ए चांदनी तेरस उजीयाली,
माजीसा घर आया रे।।
गायक – श्याम पालीवाल जी।
प्रेषक – मनीष सीरवी।
(रायपुर जिला पाली राजस्थान)
9640557818
