उस गोरखनाथ फकीर ने बागा में चिमटा गाड़ दिया

हे सूण सूण बेबे,
बांब्या ने चाला पाड़ दिया,
उस गोरखनाथ फकीर ने,
बागा में चिमटा गाड़ दिया।।

दूर-दूर तक नजर गई मेरी,
साधूंआ की लार दिखे,
ॐ शिव गोरख ॐ शिव गोरख,
होती जय जय कार दिखे,
वो शंकर अवतार दिखे,
करमंडल अपने हाथ लिया,
उस गोरख नाथ फकीर ने,
बागा में चिमटा गाड़ दिया।।

लांबी लांबी जटा बाबे की,
पड़ी नाग की डाला थी,
भगमा भगमा बाणा सबका,
गल बेजंती माला थी,
उनकी पाडे भभूति चाला थी,
उसने सबका रोग यो काट दिया,
उस गोरख नाथ फकीर ने,
बागा में चिमटा गाड़ दिया।।

धूणा चेतन करयां बाबे ने,
बागो में बहार आई,
सुखे कुऐं में पाणी आज्ञा जणो,
गंगा जमुना भरके आई,
ऐसी उनती अलख जगाई,
उसने ला नगरी में ठाठ दिया,
उस गोरख नाथ फकीर ने,
बागा में चिमटा गाड़ दिया।।

राजफूल कुचराणे आले तू,
किस चिंता में खोरया सै,
कृष्ण भगत मुआणे आले का,
बाबा साथ देरया सै,
तू बोल मोती से पिरोरया सै,
तनै नया भजन यू काड दिया,
उस गोरख नाथ फकीर ने,
बागा में चिमटा गाड़ दिया।।