तू तो राज घरा की,
रानी ऐ मीरा,
ऊँची सै जात।।
गुरुमंत्र कोई खेल नहीं सै,
तेरा मेरा मेल नहीं सै,
तू तो दिखे सै,
घनी सयानी मीरा,
भक्ति में ध्यान,
तु तो राज घरां की,
रानी ऐ मीरा,
ऊँची सै जात।।
धन-माया के भरे खजाने,
और बता तन्ने क्या की चाहना,
मेरी टपके छान पुरानी ऐ मीरा,
चिंता दिन रात,
तु तो राज घरां की,
रानी ऐ मीरा,
ऊँची सै जात।।
पति मिला तन्ने कृष्ण कन्हैया,
आपे पार लगादे नैया,
तन्ने कुकर पानी पयादु ऐ मीरा,
चमड़े के हाथ,
तु तो राज घरां की,
रानी ऐ मीरा,
ऊँची सै जात।।
गुरु वचन पै पक्की डटले,
सत्य नाम जा घर में रटले,
तन्ने छानी खाख जगत की ऐ मीरा,
चिंता दिन रात,
तु तो राज घरां की,
रानी ऐ मीरा,
ऊँची सै जात।।
रविदास की बनके चेल्ली,
अपनी जान बिगन में घेरी,
तन्ने मुश्किल होगी निबानी ऐ मीरा,
गुरुओं की बात,
तु तो राज घरां की,
रानी ऐ मीरा,
ऊँची सै जात।।
तू तो राज घरा की,
रानी ऐ मीरा,
ऊँची सै जात।।
Singer – Balli Badshah
Upload By – Jagdeep
7508694302
