प्रथम पेज प्रकाश माली भजन थे मोटा दातार रामदेव सारो जग बिख्यारी हैं रामदेवजी भजन

थे मोटा दातार रामदेव सारो जग बिख्यारी हैं रामदेवजी भजन

थे मोटा दातार रामदेव,
सारो जग बिख्यारी हैं,
हाथ जोडकर धणीया थाने,
चरना अरज ऊजारी है,
जय हो बाबा जय हो बाबा,
जय हो रामा धणी,
म्हारी आस पूरा दे,
बाबा म्हारी भी आस पूरा दे।।



अजमलजी रा कंवर लाडला,

मैणादे माँ थारी है,
रूनीचे रा रामदेवजी,
विष्णु रा अवतारी है,
अजमलजी रा कंवर लाडला,
मैणादे माँ थारी है,
रूनीचे रा रामदेवजी,
विष्णु रा अवतारी है,
अजमलजी ने वचन दिरायो,
कुंकुम पगल्या आया है,
मैणादे ने परचो दीनो,
उपनीयो दूध ढबायो है,
जय हो बाबा जय हो बाबा,
जय हो रामा धणी,
म्हारी आस पूरा दे,
बाबा म्हारी भी आस पूरा दे।।



दरजी ने परचो दिखलायो,

जाने दुनिया सारी है,
घोड़ा ने आकाश उडायो,
बाबो लीला धारी है,
दरजी ने परचो दिखलायो,
जाने दुनिया सारी है,
घोड़ा ने आकाश उडायो,
बाबो लीला धारी है,
भेरूडा राक्षस ने बाबो,
पाताला मे दबायो,
दुष्टी ने पछाड बाबो,
रूनीचो है बसायो,
जय हो बाबा जय हो बाबा,
जय हो रामा धणी,
म्हारी आस पूरा दे,
बाबा म्हारी भी आस पूरा दे।।



समंदरीया मे बोयता री,

बाबो जहाज़ ऊबारी है,
बिन्जारा री मिसरी ने बाबो,
पल में करदी खारी है,
समंदरीया मे बोयता री,
बाबो जहाज़ ऊबारी है,
बिन्जारा री मिसरी ने बाबो,
पल में करदी खारी है,
सुगना रा भानु ने बाबो,
जीवन दान दिरायो है,
पीरा ने परचो दिखला कर,
हिन्दुवा पीर कहायो है,
जय हो बाबा जय हो बाबा,
जय हो रामा धणी,
म्हारी आस पूरा दे,
बाबा म्हारी भी आस पूरा दे।।



जात पात रो भेद मिटायो,

निकलंक नेजाधारी है,
भगता री रूनीचा वालो,
मेटे कष्ट बिमारी है,
जात पात रो भेद मिटायो,
निकलंक नेजाधारी है,
भगता री रूनीचा वालो,
मेटे कष्ट बिमारी है,
कैलाश दान पर किरपा करदे,
एकर दर्शन दिखलादे,
सब भगता री खाली झोली,
अलख धणी तू भरवादे,
जय हो बाबा जय हो बाबा,
जय हो रामा धणी,
म्हारी आस पूरा दे,
बाबा म्हारी भी आस पूरा दे।।



थे मोटा दातार रामदेव,

सारो जग बिख्यारी हैं,
हाथ जोडकर धणीया थाने,
चरना अरज ऊजारी है,
जय हो बाबा जय हो बाबा,
जय हो रामा धणी,
म्हारी आस पूरा दे,
बाबा म्हारी भी आस पूरा दे।।

गायक – प्रकाश माली जी।
प्रेषक – मनीष सीरवी।
(रायपुर जिला पाली राजस्थान)
9640557818


कोई टिप्पणी नही

आपको ये भजन कैसा लगा? कृपया प्ले स्टोर से भजन डायरी एप्प इनस्टॉल कीजिये।

अपनी टिप्पणी लिखें
अपना नाम दर्ज करें

error: कृपया प्ले स्टोर से \"भजन डायरी\" एप्प डाउनलोड करे।