इव थाने अर्ज करूँ भोमिया जी,
देव कला बरताई जियो,
सकळ कला ओ सकलाई म्हारा बापजी,
जुग माई जोत सवाई हो आ।।
कुंकू केसर बाबा गार गलाऊँ,
निपे चूड़ले रे वाली बाई जियो,
देव कला बरताई जियो,
सकळ कला ओ सकलाई म्हारा बापजी,
जुग माई जोत सवाई हो आ।।
ऊँचा रे ऊंचा भोमिया जी थोरे देउँ रे बैठना,
लुळ लुळ लागो थोरे पाई जियो,
देव कला बरताई जियो,
सकळ कला ओ सकलाई म्हारा बापजी,
जुग माई जोत सवाई हो आ।।
पडासले सू चढ़िया म्हारा भोमिया,
गेरी गेरी फौज बणाई जियो,
देव कला बरताई जियो,
सकळ कला ओ सकलाई म्हारा बापजी,
जुग माई जोत सवाई हो आ।।
मोतियों री माला भोमिया जी गले माई सोवे,
पिचरंग पाग सवाई जियो,
देव कला बरताई जियो,
सकळ कला ओ सकलाई म्हारा बापजी,
जुग माई जोत सवाई हो आ।।
धोलो धोलो घोड़ो बाबा सोवे थाने हांसलो,
हाथा माई खड़ग सवाई जियो,
देव कला बरताई जियो,
सकळ कला ओ सकलाई म्हारा बापजी,
जुग माई जोत सवाई हो आ।।
रातड़िये रिण माई धणी थे भालो भलकायो,
फौजो ने मार हटाई जियो,
देव कला बरताई जियो,
सकळ कला ओ सकलाई म्हारा बापजी,
जुग माई जोत सवाई हो आ।।
दुरा देशा रा बाबा आवे ओ जातरी,
चरणों में शीश निवाई जियो,
देव कला बरताई जियो,
सकळ कला ओ सकलाई म्हारा बापजी,
जुग माई जोत सवाई हो आ।।
जोधाणे रा राजा थाने सिंवरे भोमिया जी,
पर्चा पूगा प्रखंडाई जियो,
देव कला बरताई जियो,
सकळ कला ओ सकलाई म्हारा बापजी,
जुग माई जोत सवाई हो आ।।
ऐड़ी ऐड़ी सायल मूलोजी रिख गावे,
ज्याने भोमिया जी आप फरमाई जियो,
देव कला बरताई जियो,
सकळ कला ओ सकलाई म्हारा बापजी,
जुग माई जोत सवाई हो आ।।
इव थाने अर्ज करूँ भोमिया जी,
देव कला बरताई जियो,
सकळ कला ओ सकलाई म्हारा बापजी,
जुग माई जोत सवाई हो आ।।
गायक – कुम्भाराम जी भलासरिया।
प्रेषक – रामेश्वर लाल पँवार।
आकाशवाणी सिंगर।
9785126052
